Nm 32:33 - Chuj San Sebastian Bible

³³ 'Ixtnta xyutj Moisés ya'n can lum lum chi 'a eb' yin̈tl Gad, 'a eb' yin̈tl Rubén yet' 'a spacl eb' yin̈tl Manasés win yunnal can José. 'Ix can eb' 'a lum lum xyijcan 'ec' eb' 'a win Sehón sreyl eb' amorreo, yet' lum yic can win Og sreyl Basán yet' smasnil lum chon̈b' macb'il yu'uj, yet' pax smasnil lum lum oyn 'och 'a jun tzo'n̈ chon̈b' cha.

Chuj San Mateo Bible

³³ Yuj chi' a d'a eb' yin̈tilalcan Gad yed' d'a eb' yic Rubén yed' d'a nan̈alxo eb' yin̈tilalcan Manasés yuninal vin̈aj José, ix yac' luum vin̈aj Moisés chi', aton lum yic vin̈aj Sehón sreyal eb' amorreo, lum yic vin̈aj Og sreyal Basán yed' jantac chon̈ab' macb'il yuuj yed' jantac smacb'en ay d'a spatictac.

Nm 32:33 Referans Kwoze

Josué 12:6

Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Dt 29:8

Xqui'nec can 'ec' slum eb', xca'n lum yico'oc eb' yin̈tl Rubén, eb' yin̈tl Gad, yet' spacl eb' yin̈tl Manasés.

1 Cr 26:32

A sb'isl eb' caw jeln cha, 2,700 eb' 'a smasnil, yajl yaj eb' 'a yib'n̈ eb' yin̈til. 'Ix 'ajx 'och 'a yib'n̈ eb' yuj rey David, to a eb' tz'iln eb' yin̈tl Rubén, eb' yin̈tl Gad yet' spacl eb' yin̈tl Manasés. A yopiso eb', to a eb' tz'iln smasnil tas to yic Dios yaji, yet' pax tas to yic win rey.

1 Cr 12:31

'A spacl eb' yin̈tl Manasés 'ay wajxclajn̈e mil winac, tox 'ix can 'a yib'an̈, yic tz'at ya'nc 'och eb' David 'a reyal.

1 Cr 5:18

A eb' yin̈tl Rubén, yet' eb' yic Gad, yet' pax spacl eb' yic Manasés, 'ay 44,760 eb' soldado caw tec'an. Yet' eb' smacnb'il sat jul-lab', yet' eb' yespada, yet' eb' jul-lab'. Caw matz xiw eb', cuywnac eb' ya'n owal.

Nm 34:14

Yujto a nan̈l yoxl 'in̈tal eb', tox 'ix schaj eb' smacul, atn eb' yin̈tl Rubén, Gad yet' spacl eb' yic Manasés, atn lum xcan 'a sc'axpil 'e't sti a Jordán, 'a stojlal 'aj tzq'uel c'u, lum tzcan 'a yojltac Jericó, xchi Moisés.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 32:32

'Oj qui 'at 'a owl yet' qui yamc'ab' 'a lum Canaán cha. 'Oj qui yiclc tas tzyal Jehová 'ayon̈, palta b'i'an, quic tz'ajcn lum lum tic 'a sti 'a Jordán tic on̈, lum 'ay 'a stojlal 'aj tzq'uel c'u, xchi eb'.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.

Josué 14:3

A 'a yic yaln̈taxi, 'ix ya'n can Moisés lum 'ay 'a sc'axpil 'ec' a Jordán 'a nan̈l yoxc'ajil 'in̈tal.

Josué 22:7

Spacln̈ej eb' yin̈tl Manasés 'ac'b'ilx can smacl lum 'a yol yic Basán yuj Moisés. Ax spacl xo eb', a Josué a x'a'n slum eb' 'a stojlal 'aj tz'em c'u 'a a Jordán. A yic 'ix yaln can sb'a Josué 'a eb' 'ix can smacl 'a stojlal 'aj tzq'uel c'u 'a sti a Jordán, xyaln can wach' paxti 'a yib'n̈ eb',

A Ch'an̈ B'ab'el Libro Samuel 13:7

'Ay pax eb' xc'axw 'ec' 'a a niwn a Jordán, 'ix c'och eb' 'a lum Gad yet' 'a lum Galaad, palta ax Saúl, an̈ja 'ayt 'ec' 'a lum Gilgal. A smasnil eb' soldado ajun yet'oc, caw tz'ib'x eb' yuj xiwlal.