Nm 31:54 - Chuj San Sebastian Bible

⁵⁴ A yic xlajw schan 'ec' Moisés yet' Eleazar jun tzo'n̈ oro chi 'a eb' syajlil eb' soldado cha, 'ix yi'n 'at eb' 'a yol Mantiado 'aj tzchaj sb'a Dios yet' eb' 'anma', sec wach' to tznax cot eb' israel chi yuj Jehová.

Chuj San Mateo Bible

⁵⁴ Axo vin̈aj Moisés yed' vin̈aj Eleazar chi' ix chaan q'uen oro ix yic'cot eb' yajal soldado chi'. Ix yic'anb'at q'uen eb' vin̈ d'a scajnub' Jehová b'aj sch'ox sb'a, yic vach' snachajcot eb' israel yuj Jehová chi'.

Nm 31:54 Referans Kwoze

Ex 30:16

Tza chaj q'uen plata chi 'oj yac' eb' 'ayn yuj stojnb'ilc sq'uinl cha, yujto ata 'oj 'och yopiso q'uen 'a yol Mantiado 'a 'aj tzin chaj in b'a eyet'oc. Atn jun chi tz'ochcn e nanb'ilc 'ayn an Jehová in tic, yujto tzeyac' jun tojlb'al chi yuj e q'uinl cha, xchi Dios.

Zacarías 6:14

Ax jun corona 'oj a b'o cha, 'icha snanb'il cot watut 'oj 'ajcni yic tznax cot yuj Helem, Tobías, Jedaías yet' Hen yunnal Sofonías, xa chi 'a 'a, xchi Dios 'ayin.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Salmos 145:7

'Oj alxoc 'el yab'xil a wach'c'ojlal to caw niwan, caw 'ip 'oj alxoc 'eli to caw tojl a nab'en.

Salmos 115:1

Mamin Jehová, a cab' 'aych tzalx wach' paxti', man̈oc cab' 'ayn̈ an̈ 'anman̈ tic. Caw smoj yalx wach' paxti 'aych yuj a chamc'ojlal yet' yuj a tojlal.

Salmos 18:49

Yuj cha, tzwaln wach' paxti 'aych 'a scal eb' 'anma 'a junjn nacion̈, tzin b'itnan pax a b'i.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Ex 28:12

Tzlajw cha, tza'n 'och eb' q'uen 'a te sc'ab' te pichl chi tz'ec' 'a squelb' te camx 'icha chaleco cha, tz'ochcn eb' q'uen snanb'ilc cot smasnil eb' yunnal Israel. Ax Aarón, 'oj yic b'ey jun tzo'n̈ b'i tic 'a squelab' yic tz'ochch 'a wojltac an Jehová in.