Nm 31:3 - Chuj San Sebastian Bible

³ Xlajw cha, xyaln Moisés 'ixtc 'a eb' chon̈ab': —'A'c lista e b'a jaywn̈oc ex, yic tzex 'at 'a owal, tz'at e satn can 'el eb' 'aj Madián, yuj eya'n spac stu nab'enal eb' 'a Jehová.

Chuj San Mateo Bible

³ Ix yalan vin̈aj Moisés chi' d'a eb' yetchon̈ab' chi' icha tic: —Aq'uec lista e b'a jayvan̈oc ex d'a oval, tze satanel eb' aj Madián yuj spactzitaj schucal eb' d'a Jehová.

Nm 31:3 Referans Kwoze

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

A Ch'an̈ Schab'il Libro Yic Yab'ixal Eb' Rey 10:30

'Ix yaln Jehová 'a Jehú 'ixtic: Yujto tojl tas 'ix a b'o 'a wojltac, 'ix a yiclj a satn 'el eb' yin̈tl Acab, 'icha wal yaj in nani, yuj cha, a eb' en̈til, 'oj 'ochn̈j eb' reyl 'a sdespacho chon̈b' Israel, masnto 'a schan̈ macn̈ 'in̈tal, xchi Dios.

A Ch'an̈ Schab'il Libro Yic Yab'ixal Eb' Rey 9:7

Ach 'oj a satl smasnil eb' yin̈tl ajlil Acab. 'Ixtnta 'oj wutc wa'n spac schamlil eb' in checab', yet' eb' yalmal 'el in paxti; yujto 'elnc schic'l eb' yuj 'ix Jezabel.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Jueces 5:2

B'itn coyc qui masnil 'a Jehová, yujto a x'a'n 'och jun tzo'n̈ eb' yajl 'a chon̈b' Israel, yujto caw 'ay pax eb' soldado 'a chon̈b' tic caw c'asn sc'ojl ya'n owal.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

Nm 25:11

A Finees, a 'ix 'a'n sicb'oc yowl in c'ojl 'a yib'n̈ eb' chon̈b' tic, yujto locn xyab' syal wet'oc. Q'uinloc man̈toc 'ixta xyutej, toto 'ixta', 'ix lajw scham eb' 'anma tic smasnil.

Ex 17:16

'Ix yaln pax Moisés chi 'ixtic: Yujto 'ix yij chan̈ Amalec sc'ab' yic xya'n owl yet' Jehová, yuj cha, a Jehová 'oj ya'n̈j owl yet' Amalec 'a smasnil tiempo, xchi Moisés.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Nm 31:4

Junjn 'in̈tal, yowlal tzya't junjn mil eb' winc 'a owl cha, xchi.