Nm 31:22 - Chuj San Sebastian Bible

^22-23 A smasnil tas matz tz'a yuj c'ac', 'icha q'uen oro, plata, bronce, hierro, estaño yet' plomo, yowlal tz'ec' 'a scal c'ac'. Tzlajw cha, tzb'icx pax yet' a a tzsacb'tzan junc tas. A pax tas c'un stz'a'i, cojn yet' a a chi tzb'icx 'eli.

Chuj San Mateo Bible

^22-23 A masanil tastac to max tz'a yuj c'ac', icha q'uen oro, q'uen plata, q'uen bronce, q'uen hierro, q'uen estaño, ma q'uen plomo, yovalil tz'ec' d'a cal c'ac', slajvi chi' tze b'icanel d'a a a' sacb'itan tastac tz'och vicoc. A pax tastac to stz'ab'at jun, an̈ej yed' a a' chi' tze sacb'itej.

Nm 31:22 Referans Kwoze

Nm 31:21

Ax Eleazar win ya'mal 'och sti eb' 'anma 'a Dios, 'ix yaln 'ixtc 'a smasnil eb' soldado xit' 'a owl cha: —Atn jun ley tic xyac' Jehová 'a Moisés tic:

Gn 4:22

Ax pax 'ix Sila, 'ix 'alj pax jun swinc 'unin, Tubal-caín xyac' eb' sb'ioc. A win cha tenm q'uen winac, sb'o yamc'ab' yet' q'uen bronce yet' q'uen hierro. 'Ay pax jun yanb' winac Naama sb'i.

Nm 31:13

A Moisés yet' Eleazar yet' pax smasnil eb' yajl yaj 'a scal eb', 'ix 'at eb' scha eb' soldado chi 'a sti 'el camplamento cha.

Josué 6:19

Cojn q'uen oro, q'uen plata, q'uen bronce yet' q'uen hierro, cojn tzeyij 'at yico'oc Jehová, tze moln can 'aj 'ay yet'ul, xchi 'a eb'.

Josué 8:27

Ax eb' israel cha, 'ix yi'n 'at eb' no cajb'en noc' chi yico'oc, yet' smasnil tas 'ay 'a eb' 'anma 'a jun chon̈b' cha, 'icha 'ix yutj Jehová yaln 'a Josué.

Job 28:2

A q'uen hierro, ata tz'elt q'uen 'a scal lum lu'um, ax q'uen q'ue'en, a yic tzn̈usx q'ue'en, ata tz'elt can q'uen cobre.