Nm 31:14 - Chuj San Sebastian Bible

¹⁴ Palta 'ix cot yowl Moisés 'a eb' yajl yaj 'a junjn mil soldado, yet' 'a eb' yajl yaj 'a junjn ciente eb' xit' 'a owl cha.

Chuj San Mateo Bible

¹⁴ Palta axo vin̈aj Moisés ix cot yoval vin̈ d'a eb' ayoch yajalil d'a junjun mil yed' d'a junjun cien eb' soldado ix meltzaj d'a oval chi'.

Nm 31:14 Referans Kwoze

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

A Ch'an̈ Schab'il Libro Yic Yab'ixal Eb' Rey 13:19

Xlajw cha, 'ix cot yowl Eliseo, 'ix yaln 'ixtic: —Octom wal xa mac' 'ejm o'ejmoc mto wac 'ejmoc 'a yib'n̈ lu'um, to 'ixta', jun 'ejmn̈ej 'oj a satcn 'el smasnil eb' sirio, man̈x 'a junc 'oj canoc, palta ax ticnec, cojn wal 'ox'ejm 'oj 'ajxc ganar eb' o'oj, xchi.

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

Nm 31:48

Xlajw cha, ax eb' yajl yaj 'a junjn mil mto 'a junjn ciente soldado cha, 'ix c'och eb' 'a Moisés.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

Lv 10:16

'Ix sc'anb'n pax Moisés yuj no chiwo x'ajx xajmb'al-l yuj yajx lajwc mul. 'Ix yaln eb' yunnal Aarón, chajtlto tox 'ix 'ajx tz'a no'. Yuj cha, caw xcot yowl Moisés 'a Eleazar yet' 'a Itamar, atn chawn̈ xo eb' yunnal Aarón tic pitznto cha, 'ix yaln 'a eb' 'ixtic:

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Ex 32:19

Ax yic 'ix 'eml Moisés 'a sla'nil camplamento cha, 'ix yiln 'och jun yechl quelm wacx cha. Ax eb' 'anma', wan laj schan̈lwi eb', yuj cha, caw 'ix cot yowal, sjuln 'ejm eb' q'uen q'uen mec'b'il yuj cha, 'ix sma'n can poj 'a lum yich witz cha.

Nm 31:13

A Moisés yet' Eleazar yet' pax smasnil eb' yajl yaj 'a scal eb', 'ix 'at eb' scha eb' soldado chi 'a sti 'el camplamento cha.

Nm 31:15

'Ix yaln 'a eb' 'ixtic: —¿Tas yuj ma'ix e milcn cham jun tzo'n̈ eb' 'ix 'ix tic?

A Ch'an̈ B'ab'el Libro Samuel 8:12

'Ay eb' 'oj ya'ch win syajlilc junc mil soldado, 'ay eb' 'oj ya'ch win syajlilc junc 50. 'Ay eb' 'oj 'och sb'o smunljel winac, 'oj st'oc eb' slum winac, ax laj smoln chan̈ eb' tas tz'el 'a smunljel win cha. 'Ay eb' 'oj 'och sb'o syamc'ab' win yic owal, 'ay pax eb' 'oj b'onc scaruaje win tzc'ana yic tz'at 'a owl cha.

A Ch'an̈ Schab'l Libro Samuel 18:1

Xlajw cha, 'ix laj stojlb'tzan David eb' soldado cha, 'ix ya'n 'och syajlil junjn mil soldado, yet' syajlil junjn ciente.