Nm 30:7 - Chuj San Sebastian Bible

⁷ ax yic tzyab'n sb'a win yichmil 'ix cha, q'uinloc may tas tzyal win yu'uj, yowlal tzyac' 'el'choc 'ix tas alb'il yuj cha.

Chuj San Mateo Bible

⁷ tato ayic syab'an vin̈ yetb'eyum ix b'aj ix yac' sti' chi', malajn̈ej tas syal vin̈ yuuj, yovalil sc'anab'ajej ix b'aj ix yac' sti' chi'.

Nm 30:7 Referans Kwoze

Nm 30:6

A junc 'ix 'ix tzyac' sti 'a Jehová, tzlajw cha, tzb'on junc strato 'a sji'lti'al yic tznupn muc'uc,

Nm 30:8

Palta toto a yic tzyab'n sb'a win yuj jun cha, tzcot yowl win yu'uj, to 'ixta', man̈x yowlalc tzyac' 'el'choc 'ix sti cha. Ax Jehová 'oj yac' niwnc'ojlal 'a 'ix.

A Ch'an̈ B'ab'el Libro Samuel 1:23

'Ix ta'w win yichmil 'ix chi 'a 'ixtic: —B'o cab' 'icha tzal cha. Wach' ajcn yet' winac, masnto tz'el win 'a yim, cojn to tzcolwj Jehová et'oc yic tza'n 'el'choc tas 'ix ac' a ti a'n 'a 'a, xchi win Elcana cha. 'Ixta x'aj scan 'ix yet' win 'unn cha, 'ix sq'uib'tzani, masnto x'el win 'a yim.

Jeremías 44:19

'Ix yaln pax eb' 'ix 'ix chi 'ixtic: —An̈ tic, xqui b'o 'ixm wal 'icha yechl 'ix syajlil satcha'an̈, xcac' incienso yet' yal uva xajmb'al-l 'a 'ix, a smasnil tas 'ix qui b'o cha, yojc eb' quichmil tic on̈ tas yaji, xchi eb' 'ix.

Gn 3:16

Xyaln pax 'a 'ix 'ix cha: —'Oj wac' ab' syail yic et'x one', ax wa'n niwtjoc a yailal yic 'oj 'aljoc one'. Toxn̈ej 'ay yailal 'oj ela', palta 'oj a nib'cn̈ej echmil. A win winc 'oj 'och ajliloc, xchi 'a 'ix.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

Ro 7:2

Q'uinloc 'ay junc 'ix 'ay yichmil, ya' sb'a pitznto yichmil cha, 'icha to pixb'il 'ix yet' win yuj jun ley cha. Toto tzcham yichmil 'ix cha, libre yaj 'ix 'a jun ley cha.