Nm 30:13 - Chuj San Sebastian Bible

¹³ A win yichmil 'ix cha, a win tztac' yalni, toto tzyac' 'el'choc 'ix yistl win chi sti 'a 'aj ya'jnac sti cha, mto ma'ay.

Chuj San Mateo Bible

¹³ A vin̈ etb'eyumab'il chi', syal yalan vin̈ tato syal sc'anab'ajan ix b'aj ix yac' sti' chi' mato maay.

Nm 30:13 Referans Kwoze

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

1 Co 11:9

A 'ix 'ix cha, b'ob'il 'ix, sec wach' yic win winac. Man̈ yujoc swach'l yic 'ix, sb'o winac.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Salmos 35:13

Palta an xo pax tic, a yic ya'ay eb', tzwa'n 'och in b'a 'a cusc'ojlal yet' 'a c'ajb'c'ojlal yuj eb'. Tzin cusi, caw matz in 'och wan in leslwi yuj eb'.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Nm 29:7

A 'a slajn̈il c'u yoch yucl 'uj cha, ata tzeyamx e b'a yic tzex 'ochx 'emmquilal. A 'a jun c'u cha, tzex 'och 'a c'ajb'c'ojlal, may pax mach tztac' smunlji.

Lv 23:32

A jun c'u cha, sc'ul 'iljelal tz'ajcn 'ayex, sc'ul pax yic tzex 'och 'a c'ajb'c'ojlal. Tz'el yich 'a yemc'ual, 'a b'aln̈e yoch jun 'uj cha, masnto 'a yemc'ul 'a junx c'u, xchi Dios.

Lv 23:27

A 'a lajn̈e yoch yucl 'uj cha, ata 'ay sc'ul yic tz'ajx lajwc mul. Yowlal tzeyam e b'a yic tzex 'och 'emmquilal 'ayin, tzex 'och 'a c'ajb'c'ojlal, tzeya'n tz'a eyofrenda xajmb'al-l 'ayin.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

1 Co 7:5

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.

Nm 30:12

Palta toto a yic tzyab'n win yichmil 'ix cha, ax win tzma'n 'eq'ui, to 'ixta', man̈x yowlalc tzyac' 'el'choc 'ix sti cha. A Jehová 'oj yac' niwnc'ojlal 'a 'ix, yujto a yichmil 'ix chi tzma'n 'eq'ui.

Nm 30:14

Palta toto a win yichmil 'ix cha, 'ayx sjayloc c'u yab'n win jun tzo'n̈ cha, may pax tas tzyal win yu'uj, wach' tzyac' 'el'choc 'ix tas ta'wb'il yuj cha.