Nm 29:12 - Chuj San Sebastian Bible

¹² A 'a yolajn̈il c'u yoch yucl 'uj cha, ata tzeyamx e b'a yic tzex 'och 'emmquilal. A 'a jun c'u cha, may mach tzmunlji, uque c'u tze na jun q'uin̈ cha, yuj eyi'n chan̈ in b'i an Jehová in.

Chuj San Mateo Bible

¹² An̈eja' d'a 15 c'ual yoch yuquil uj tze molb'ej e b'a eyoch ejmelal. A d'a jun c'u chi', malaj junoc macan̈ munlajel tze c'ulej. Uque' c'ual tzeyac'och q'uin̈ yuj eyic'anchaan̈ Jehová.

Nm 29:12 Referans Kwoze

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Ez 45:25

An̈jtona pax q'uin̈ chinama, uque c'u pax tznax jun q'uin̈ chi 'a schan̈lajn̈il c'u yoch yucl 'uj. A win yajl cha, a win 'oj 'a'noc tz'a no xajmb'al chi 'a junjn c'u, no xajmb'al yic stojl mul, no tz'ajx tz'a smasnil, no yic junc'ojlal, yet' 'ixm trigo yet' yaceiteal, lajnn̈ej sb'isl jun tzo'n̈ chi 'icha yic q'uin̈ yic snanb'il cot eyelt 'a libre.

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

Nehemías 8:14

X'ilchj 'a yojl ch'an̈ un̈ yic ley 'ac'b'il yuj Jehová 'a Moisés, to a 'a yucl 'uj, tz'och eb' israel 'a yol chinama yic tznan eb' q'uin̈ chinama cha.

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Nm 29:1

A 'a b'ab'l c'u yic yucl 'uj, ata tzeyamx e b'a yic tzex 'och 'emmquilal. A 'a jun c'u cha, may mach tztac' smunlji, yujto sc'ul yutz'x trompeta.

Nm 29:13

A 'a jun b'ab'l c'u q'uin̈ cha, ata tzeyac' e xajmb'al tz'ajx tz'a 'a wojltac, to wach' sjab' tzwab'i. Tzeyac' 'oxlajn̈wan̈ no quelm wacax, chawn̈ mam calnelu, yet' chan̈lajn̈wan̈ no quelm calnelu junjn ab'il sq'uinal, no may spaltail.

A Ch'an̈ B'ab'el Libro Yic Yab'ixal Eb' Rey 12:32

Xlajw cha, snan Jeroboam jun q'uin̈ 'a yic olajn̈e yoch swajxquil 'uj yic junjn ab'il, 'icha jun q'uin̈ tz'ec' 'a chon̈b' Judá. 'Ix ya'n q'ue xajmb'al 'a yib'n̈ yet'l xajmb'al. 'Ixta pax sb'o 'a chon̈b' Betel, 'ix yac' xajmb'al 'a jun tzo'n̈ yechl quelm wacx 'ix sb'o'o. An̈jtona si'n pax 'och eb' yit chon̈b' ya'malc 'och sti eb' 'anma chi 'a jun tzo'n̈ yechl scomn diosal cha, sec a eb' tztan̈wni sdiosal eb' chi 'a yatutal 'a lum jolmctac witz cha.

Esdras 3:4

An̈jtona', snan eb' jun q'uin̈ chinama yic scajnub' Dios 'icha yaj stz'ib'x cani. 'A junjn c'u tzyac' eb' xajmb'al to tz'a smasnil 'a 'icha stzolil, a tzyal wal jantc tzc'anx 'a junjn c'u.

Lv 23:7

A 'a b'ab'l c'u cha, tzeyam e b'a yic tzex 'och 'emmquilal 'a wojltac. May cab' junc munljel tztac' e b'on 'a jun c'u cha.

Nm 29:35

Ax 'a swajxquil c'u cha, tzeyamn pax e b'a yic tzex 'och 'emmquilal. A 'a jun c'u cha, may mach tzmunlji.