Nm 29:1 - Chuj San Sebastian Bible

¹ A 'a b'ab'l c'u yic yucl 'uj, ata tzeyamx e b'a yic tzex 'och 'emmquilal. A 'a jun c'u cha, may mach tztac' smunlji, yujto sc'ul yutz'x trompeta.

Chuj San Mateo Bible

¹ A d'a b'ab'el c'ual yic yuquil uj, tze molb'ej e b'a yic tzex och ejmelal. A d'a jun c'ual chi' malaj junoc mach smunlaji. A jun c'ual chi', sc'ual yic spuji q'uen trompeta.

Nm 29:1 Referans Kwoze

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

Esdras 3:6

A 'a yic b'ab'l c'u yic yucl 'uj, 'ix schan 'el eb' 'anma yich ya'n xajmb'al to tz'a smasnil, palta mantzac 'em yich yatut Jehová.

1 Cr 15:28

Smasnil eb' israel caw tzya'l eb' yaw yuj tzaljc'ojlal, yic 'ix 'ijx cot te caxa cha. 'Ix 'utz'x pax cacha, trompeta, syucn eb' platillo, salterio yet' arpa.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Nehemías 7:73

A eb' ya'mal 'och sti eb' 'anma 'a Dios, eb' levita, eb' tan̈m puerta, eb' tzb'itni yet' eb' 'anma 'ay 'a chon̈b' cha, eb' ya'mal servil yatut Dios yet' smasnil eb' israel, 'ix sb'on pax 'ejm sb'a eb' 'a yol schon̈ab'. A yic 'ix 'el yich yic yucl 'uj, tox 'ix tz'acw c'och eb' quit israelal 'a slugar.

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Lv 23:23

'Ix yaln Jehová 'a Moisés 'ixtic:

Nm 28:26

A yic tox 'ix 'ec' uque seman yec' q'uin̈ yuj e nan cot eyel 'a libre, yic tzeya'n eyofrenda 'a 'ayn yuj sb'ab'l sat eyawb'en tze mol cha, ata tzeyamx e b'a e masnil, yuj eyochx 'emmquilal 'ayin. A 'a jun c'u cha, may xon junc mach tzmunlji.

Nm 29:2

Tzeya'n tz'a pax e xajmb'al 'a wojltac an Jehová in, atn jun tzo'n̈ caw wach' sjab' tzwab'i: jun quelm wacax, jun mam calnelu yet' ucwn̈ no quelm calnelu, atn e no may spaltail.

Nm 29:12

A 'a yolajn̈il c'u yoch yucl 'uj cha, ata tzeyamx e b'a yic tzex 'och 'emmquilal. A 'a jun c'u cha, may mach tzmunlji, uque c'u tze na jun q'uin̈ cha, yuj eyi'n chan̈ in b'i an Jehová in.

Lv 23:7

A 'a b'ab'l c'u cha, tzeyam e b'a yic tzex 'och 'emmquilal 'a wojltac. May cab' junc munljel tztac' e b'on 'a jun c'u cha.

Nm 29:35

Ax 'a swajxquil c'u cha, tzeyamn pax e b'a yic tzex 'och 'emmquilal. A 'a jun c'u cha, may mach tzmunlji.

Nehemías 8:2

A win Esdras cha, ya'mal 'och sti eb' 'anma yaj win 'a Dios. 'Ix yi'n cot win ch'an̈ ley 'a sat eb' 'anma yamn yaj cha, 'a b'ab'l c'u yic yucl 'uj. Ata syam sb'a smasnil eb' winac, smasnil eb' 'ix 'ix, yet' smasnil eb' 'unn tzax nachj 'el yu'uj.