Nm 28:7 - Chuj San Sebastian Bible

⁷ Ax pax ofrenda tz'ajx 'a te yal uva, junjn litro tz'ajx yet' no calnelu tz'ajx tz'a cha. A jun yal uva cha, ata tzicx 'och 'a in cajnub' yic tz'ijx chan̈ in b'i.

Nm 28:7 Referans Kwoze

Ex 29:42

A jun tzo'n̈ ofrenda tz'ajx tz'a 'a wojltac cha, 'oj ya'n̈j Aarón yet' eb' yin̈tl b'aq'uin̈. 'Oj ya'n̈j 'och 'a wojltac 'a yol Mantiado 'a 'aj tzin chaj in b'a eyet'oc yic tzin paxtin eyet'oc.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Is 57:6

Ex israel, caw wal tzchaj e c'ojl eyaln e b'a 'a eb' e diosal 'a scal q'uen q'uen n̈el-li yilx 'a yoltc sb'e a', a jun tzo'n̈ chi tzeya'ch e diosaloc. A 'a jun tzo'n̈ chi 'aj tze sec 'ejm yal uva, tzeya'n sat eyawb'en ofrendail 'a 'a. ¡Am tzeyutj e nani to ma'oj wa'ch eyailal yuj jun tzo'n̈ tze b'o cha!

Nm 28:31

A yet' jun tzo'n̈ xajmb'al cha, tzeyac' pax 'ixm harina ofrendail yet' yal uva, tzeya'n pax no xajmb'al to tz'ajx 'a junjn c'u. A smasnil no noc' cha, may cab' spaltail e no'.

Nm 28:14

Ax pax yal uva tz'ajx ofrendail yet' junjn no quelm wacx cha, cha'chb' litro tz'ajx yet' junjn no'. A pax yet' no mam calnelu cha, nan̈l schab'l litro tz'ajxi, junjn litro pax 'a no quelm calnelu cha. Atn wal jun tzo'n̈ xajmb'al cha, yowlal tz'ajx tz'a 'a junjn 'uj 'a yol junjn ab'il.

Nm 15:10

chab' pax litro yal uva tz'ajx yet'oc, yujto a jun tzo'n̈ cha, xajmb'al to tz'a'i, wach' sjab' tzwab'i.

Nm 15:7

'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i.

Nm 15:5

A yet' no xajmb'al tox xwal cha, yowlal tz'ajx pax junc litro yal uva ofrendail yet' junjn quelm calnelu cha.

Lv 23:13

Tzeya'n pax b'aln̈e'oc libra 'ixm harina caw wach' yet' no', caln tz'aj yet' aceite, sec ax yic tz'ajx tz'a 'a wojltac, su'q'ui cab' yec' sjab'. Tzeya'n junc litro yal uva ofrendail yet' jun tzo'n̈ cha, sec a tzsecx q'ue 'a yib'an̈.

Ex 30:9

Man̈ scomn n̈usc jun tzo'n̈ xo incienso 'a yib'n̈ jun yet'l xajmb'al cha, man̈ sn̈us no xajmb'al 'a yib'an̈ mto harina, mto yal uva tzicx 'och 'a yib'an̈.

Ex 29:40

A yet' no tza b'ab'l 'a'j tz'a cha, tzac' tz'a pax chan̈e'oc libra 'ixm harina caw wal wach'. Caln tzotj yet' junc litro yaceiteal te olivo. Tza secn pax 'ejm junc litro yal uva ofrendail 'a yib'an̈.

Nm 28:6

Atn jun tzo'n̈ xajmb'al tic tz'ajx tz'a 'a junjn c'u, 'elnc yich yajxi yic 'ayc' eb' 'anma tic 'a lum yich witz Sinaí, atn wal jun tzo'n̈ tic caw wach' sjab' tzwab' an Jehová in.

Nm 28:8

Ax no schab'l calnelu cha, a 'a yemc'ul tz'ajx tz'a no', tz'ajx pax tz'a harina yet' yal uva, 'icha wal tz'aj no b'ab'l cha. A jun tzo'n̈ ofrenda cha, tz'ajx tz'a 'a wojltac an Jehová in, to wach' sjab' tzwab'i.

Lv 1:9

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc. Ax win ya'mal 'och sti eb' 'anma cha, a win tz'a'n tz'a no smasnil 'a yib'n̈ yet'l xajmb'al cha. A jun xajmb'al cha, caw wach' sjab' tzwab' an Jehová in.