Nm 28:26 - Chuj San Sebastian Bible

²⁶ A yic tox 'ix 'ec' uque seman yec' q'uin̈ yuj e nan cot eyel 'a libre, yic tzeya'n eyofrenda 'a 'ayn yuj sb'ab'l sat eyawb'en tze mol cha, ata tzeyamx e b'a e masnil, yuj eyochx 'emmquilal 'ayin. A 'a jun c'u cha, may xon junc mach tzmunlji.

Chuj San Mateo Bible

²⁶ Ayic toxo ix ec'b'at uque' semana yec' q'uin̈ yic tze naancot eyelnac libre yuj Jehová, tzeyac'an eyofrenda yuj sb'ab'el sat eyavb'en tze molo'. Tze molb'ej e b'a e masanil yuj eyoch ejmelal d'a Jehová, malaj junoc macan̈ munlajel tze c'ulej.

Nm 28:26 Referans Kwoze

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

1 Co 15:20

Palta wal yel, pitzwnac Cristo 'a scal eb' chamnac. 'Icha junc b'ab'l 'ajn tz'el-li, 'ixta b'ab'l pitzwnac 'ayn̈ec, sec tzch'oxo, to 'oj qui pitzwec pax jun xo.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

Nm 28:18

A 'a jun b'ab'l c'u yic uque c'u cha, ata tz'och jun niwquil yamnil, yic tzex 'och 'a 'emmquilal 'ayin. A 'a jun c'u cha, may xon junc mach tztac' sb'on smunljel, yujto niwn yel'chi.

Nm 28:27

Tzeya'n pax jun tzo'n̈ xajmb'al to wach' sjab' 'a wojltac: chawn̈ no quelm wacax, jun mam calnelu yet' ucwn̈ no quelm calnelu junjn ab'il sq'uinal.

Nm 29:1

A 'a b'ab'l c'u yic yucl 'uj, ata tzeyamx e b'a yic tzex 'och 'emmquilal. A 'a jun c'u cha, may mach tztac' smunlji, yujto sc'ul yutz'x trompeta.

Ex 12:16

A 'a yic b'ab'l c'u cha, tzeyam e b'a yic tzex 'och 'emmquilal 'ayin, 'ixta tzeyutj pax 'a yic yucl c'ual. A 'a chab' c'u cha, may xon mach tzmunlji, cojn tas tze c'uxu a tztac' e b'oni.

Lv 23:8

A 'a yol uque c'u cha, yowlal tzeyac' tz'a e xajmb'al 'a wojltac, ax 'a jun yucl c'u cha, tzeyam e b'a yic tzex 'och 'emmquilal 'a wojltac. May cab' junc munljel tztac' e b'on 'a jun c'u cha, xchi Dios.