Nm 28:19 - Chuj San Sebastian Bible

¹⁹ Tzeya'n tz'a e xajmb'al 'a wojltac, chawn̈ no quelm wacax, jun mam calnelu yet' ucwn̈ no quelm calnelu junjn ab'il sq'uinal, no may spaltail.

Chuj San Mateo Bible

¹⁹ Chavan̈ noc' quelemtac vacax tz'ac'ji silab'il, jun noc' ch'ac calnel yed' ucvan̈ noc' quelemtac calnel junjun ab'il sq'uinal. Masanil noc' chi', malajocab' jab'oc spaltail noc'.

Nm 28:19 Referans Kwoze

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

Nm 29:8

Tzeya'n pax tz'a e xajmb'al 'a wojltac an Jehová in, atn jun tzo'n̈ caw wach' sjab' tzwab'i: jun quelm wacax, jun mam calnelu yet' ucwn̈ quelm calnelu junjn ab'il sq'uinal, no may spaltail.

Nm 28:31

A yet' jun tzo'n̈ xajmb'al cha, tzeyac' pax 'ixm harina ofrendail yet' yal uva, tzeya'n pax no xajmb'al to tz'ajx 'a junjn c'u. A smasnil no noc' cha, may cab' spaltail e no'.

Lv 22:20

palta man̈oc cab' junc no 'ay spaltail tzyac'a, yujto man̈ chab'ilc e no cha.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

Nm 28:20

A yet' jun tzo'n̈ xajmb'al cha, tz'ajx pax harina calb'il yet' aceite. 'Ixtc wal tz'aj yajxi: lajchwe libra harina tz'ajx yet' junjn no quelm wacax, wajxque libra tz'ajx yet' junjn no mam calnelu,

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Dt 16:2

A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

2 Cr 35:12

tzyi'n 'el eb' no xepual xajmb'al to tz'a smasnil, tzpojn 'ec' eb' 'a junjn macn̈ eb' to yican sb'a, yic tzya'n eb' 'a Jehová, 'icha yaj stz'ib'xcan 'a ch'an̈ libro yic Moisés. An̈jtona', 'ixtnta xyutj eb' sb'on no wacax.