Nm 28:15 - Chuj San Sebastian Bible

¹⁵ Yowlal tz'ajx pax junc no chiwo xajmb'al-l yuj mul, yet' pax xajmb'al tz'ajx 'a junjn c'u, yet' pax yal uva tz'ajx ofrendail 'ayin.

Chuj San Mateo Bible

¹⁵ A yed' silab' sn̈usjitz'a chi', tz'ac'jipax junoc noc' mam chiva d'a Jehová silab'il yuj mul yed' vino tz'ac'jitaxon yed'oc.

Nm 28:15 Referans Kwoze

Nm 28:3

Tzaln pax 'a eb', 'aja jun tzo'n̈ xajmb'al chi wach' stz'a 'a wojltac an Jehová in yic tzyi'n chan̈ eb' in b'i. 'A junjn c'u tz'ajx tz'a chatcwan̈ no quelm calnelu junjn ab'il sq'uinal, no may spaltail.

Nm 28:22

Tz'ajx pax junc no mam chiwo xajmb'al-l yuj mul, sec tz'ajx lajwc e mul 'a eyib'an̈.

Nm 15:24

Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Lv 16:15

Tzlajw cha, tz'elta, tzmiln pax win no chiwo tz'och xajmb'al-l yuj smul eb' chon̈ab', tzyi'n pax 'och schic'l no 'a yojltac 'och te cortina cha. Tzicn 'och 'a yib'n̈ smac yet' 'a yojltac 'elt smacl sti caxa, 'icha wal tzyutj 'a b'ab'l yet' schic'l no quelm wacx cha.

Lv 4:23

A yic tznachj 'el yu'uj chajtlto x'och smul, yowlal tzyij cot junc no mam chiwo xajmb'alil, junc no may spaltail.

Gn 37:31

Yajn̈j wal cha, snan ewinac tas tzyutj sb'a eb', smiln cham ewin jun no yune chiwo, xyi'n 'elt ewin schic'l no', xlajw cha, sb'on̈n 'och eb' 'a spichl win José cha.

Nm 28:14

Ax pax yal uva tz'ajx ofrendail yet' junjn no quelm wacx cha, cha'chb' litro tz'ajx yet' junjn no'. A pax yet' no mam calnelu cha, nan̈l schab'l litro tz'ajxi, junjn litro pax 'a no quelm calnelu cha. Atn wal jun tzo'n̈ xajmb'al cha, yowlal tz'ajx tz'a 'a junjn 'uj 'a yol junjn ab'il.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.

Nm 28:30

Tzeya'n pax junc no mam chiwo xajmb'alil, sec tz'ajx lajwc e mul 'a eyib'an̈.

Nm 29:5

Tzeya'n junc no mam chiwo xajmb'alil, sec tz'ajx lajwc e mul 'a eyib'an̈.

Nm 29:16

Tzeya'n junc no mam chiwo xajmb'alil, sec tz'ajx can lajwc e mul 'a eyib'an̈. Tzeya'n pax no xajmb'al tz'ajx 'a junjn c'u, tzeya'n 'ixm harina ofrendail yet' no', yet' pax yal uva.