Nm 28:14 - Chuj San Sebastian Bible

¹⁴ Ax pax yal uva tz'ajx ofrendail yet' junjn no quelm wacx cha, cha'chb' litro tz'ajx yet' junjn no'. A pax yet' no mam calnelu cha, nan̈l schab'l litro tz'ajxi, junjn litro pax 'a no quelm calnelu cha. Atn wal jun tzo'n̈ xajmb'al cha, yowlal tz'ajx tz'a 'a junjn 'uj 'a yol junjn ab'il.

Chuj San Mateo Bible

¹⁴ Axo vino tz'ac'jitaxon d'a ofrendail, chab' litro tz'ac'ji yed' junjun noc' vacax chi', nan̈al schab'il litro d'a jun noc' ch'ac calnel chi', junjun litro d'a junjun noc' quelemtac calnel chi'. Aton juntzan̈ ofrenda chi' yovalil tz'ac'ji d'a junjun uj d'a yol ab'il.

Nm 28:14 Referans Kwoze

Nm 28:13

Ax yet' junjn no quelm calnelu cha, chab'chb' libra harina caw wach' tz'ajx yet' no', wach' pax tz'aj scalx yet' aceite. A jun tzo'n̈ ofrenda tz'ajx tz'a cha, wach' sjab' tzwab'i.

Nm 28:15

Yowlal tz'ajx pax junc no chiwo xajmb'al-l yuj mul, yet' pax xajmb'al tz'ajx 'a junjn c'u, yet' pax yal uva tz'ajx ofrendail 'ayin.

Nm 15:5

A yet' no xajmb'al tox xwal cha, yowlal tz'ajx pax junc litro yal uva ofrendail yet' junjn quelm calnelu cha.

Nm 15:9

Yowlal tz'ajx pax lajchwe'oc libra 'ixm harina yet' no xajmb'al cha, wach' tz'aj scalx yet' chab'oc litro aceite,

Nm 28:7

Ax pax ofrenda tz'ajx 'a te yal uva, junjn litro tz'ajx yet' no calnelu tz'ajx tz'a cha. A jun yal uva cha, ata tzicx 'och 'a in cajnub' yic tz'ijx chan̈ in b'i.

Esdras 3:5

'A junjn c'u tzya'n eb' smasnil xajmb'al 'icha stzolil, tzya'n pax eb' xajmb'al yic tznan eb' q'uin̈ yic tzpac' 'uj yet' jun tzo'n̈ xo xajmb'al yic smasnil q'uin̈ to niwn yel'ch 'a Jehová. Tzya'n pax eb' smasnil xajmb'al to tz'el 'a sc'ojl eb' 'anma ya'ni.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Jeremías 48:35

An Jehová in, an tzwala: A 'a Moab, 'oj in satl 'emmquilal, atn xajmb'al tz'at yac' eb' 'a lum won̈ctac 'a 'aj 'ay jun tzo'n̈ smacsej eb', yet' incienso tzyac' tz'a eb' 'a sdiosal.

Ez 46:4

A jun tzo'n̈ xajmb'al 'oj yac' win yajl chi 'ayn 'a sc'ul 'iljelal, atn jun tzo'n̈ tic: Wacwn̈ quelm calnelu yet' jun mam calnelu, e no may spaltail.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.