Nm 27:21 - Chuj San Sebastian Bible

²¹ A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Chuj San Mateo Bible

²¹ A d'a vin̈aj Eleazar ol yal vin̈, axo vin̈aj Eleazar chi' ol c'anb'an d'ayin yuj vin̈. A inxo Jehová in tic ol val yed' q'uen Urim tas ol yutej sb'a vin̈. Axo vin̈ ol alan d'a eb' chon̈ab' chi' tas ol aj eb', xchi Jehová chi'.

Nm 27:21 Referans Kwoze

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.

Josué 9:14

'Ix schan 'ec' eb' yajl yaj 'a eb' israel chi tas tzc'ux eb' winc cha, xyab'lni eb' muc'uc, yic tzch'oxn 'el eb' to tzb'o eb' jun trato cha, palta ma'ix sc'anb'j eb' 'a Jehová toto wach' chi tzb'o eb'.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Nehemías 7:65

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

A Ch'an̈ B'ab'el Libro Samuel 30:7

'Ix yaln 'ixtc 'a win ya'mal 'och sti eb' 'anma 'a Dios, atn Abiatar yunnal Ahimelec: —Tzin tew wal 'ayach, 'ij cot te camx chaleco 'ayin, xchi 'a 'a. 'Ix yi'n cot Abiatar te 'a David cha.

A Ch'an̈ B'ab'el Libro Samuel 23:9

'Ix yojquej 'el David chajtlto 'a Saúl wan sc'och yac' owl yet'oc. 'Ix yaln 'a win Abiatar ya'mal 'och sti eb' 'anma' 'a Dios, to tzyij cot win te camx chaleco yic tzc'anb'n eb' 'a Jehová.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Dt 33:8

'Ix yaln 'ixtc 'a yib'n̈ eb' yin̈tl Leví: Mamin Jehová, ec yaj q'uen Tumim yet' q'uen Urim; yic pax eb' winc to yiclum 'ayach, yic 'ix a'lni prowal ewin 'a Masah, ewin xa tej a b'a yet' 'a 'aj 'ay a a 'a Meriba.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Lv 8:8

Ax 'a spatquil te', ata xya'ch pax te smacl yic sn̈i sc'ojol, a 'a te' 'ix ya'ch q'uen Urim yet' q'uen Tumim.

Nm 27:5

Ax Moisés 'ix yal jun tzo'n̈ snab'en eb' 'ix 'ix tic 'a Jehová.

Nm 27:20

Tza'n can jac a jelnal chi 'a 'a, sec wach' 'oj syiclc eb' 'anma tic tas 'oj yala'.

Nm 27:22

'Ix syiclj Moisés smasnil tas 'ix yal Jehová, 'ix yi'n 'at Josué 'a yojltac Eleazar yet' 'a sat smasnil eb' yit israelal.

A Ch'an̈ B'ab'el Libro Samuel 14:19

Ya' sb'a wanto spaxtin Saúl yet' win ya'mal 'och sti eb' 'anma 'a Dios, ax eb' filisteo cha, caw 'ipn swach' somchj chan̈ eb' 'a scamplamento cha. Yuj cha, xyaln Saúl 'a win 'ixtic: —Man̈x e' cot te', xchi.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Nm 27:2

A own̈ eb' 'ix snul'j sb'a tic, 'ix c'och eb' 'ix 'a yol sti Mantiado 'aj tzchaj sb'a Dios yet' eb' 'anma'. Ata xc'och eb' 'ix paxtinc yet' Moisés, yet' Eleazar win ya'mal 'och sti eb' 'anma 'a Dios, yet' pax 'a eb' yajl yaj 'a scal eb' chon̈ab'. 'Ix yaln eb' 'ix 'ixtic:

Dt 31:3

Palta a Jehová qui Diosalec, a 'oj b'ab'ljoc eyu'uj, ax satn 'el smasnil jun tzo'n̈ nacion̈ 'ayc' 'a yol e b'e, yet' eb' 'ayc' 'a sat lum lum 'aj 'oj e c'och cha. Ax xo 'oj e caj slum eb' cha. A Josué tic 'oj 'ochx can ex sjucb'tzoc 'icha xyutj Jehová yalni.