Nm 27:2 - Chuj San Sebastian Bible

² A own̈ eb' 'ix snul'j sb'a tic, 'ix c'och eb' 'ix 'a yol sti Mantiado 'aj tzchaj sb'a Dios yet' eb' 'anma'. Ata xc'och eb' 'ix paxtinc yet' Moisés, yet' Eleazar win ya'mal 'och sti eb' 'anma 'a Dios, yet' pax 'a eb' yajl yaj 'a scal eb' chon̈ab'. 'Ix yaln eb' 'ix 'ixtic:

Chuj San Mateo Bible

² A ovan̈ eb' ix snulej sb'a tic, ix b'at eb' ix b'aj ay cajnub' b'aj sch'ox sb'a Jehová. Ix yalan eb' ix d'a vin̈aj Moisés yed' d'a vin̈aj sacerdote Eleazar yed' d'a masanil eb' yajalil chon̈ab' icha tic:

Nm 27:2 Referans Kwoze

Nm 9:6

Palta a 'a scal eb' cha, 'ay jun tzo'n̈ winc man̈ wach'c xyutj sb'a, yujto 'ix syam eb' jun chamnc 'anma', ma'ix stac' snan eb' jun q'uin̈ chi 'a jun c'u cha. Yuj cha, 'ix 'at eb' yil Moisés yet' Aarón 'a jun c'u cha.

Nm 27:1

A 'a yin̈tl can Manasés ata 'ay own̈ eb' 'ix 'ix to snul'j sb'a, atn eb' 'ix tic; Maala, Noa, Hogla, Milca yet' Tirsa. Yisl win Zelofehad eb' 'ix. A yin̈tl eb' 'a smam yicham, atn stzol-l eb' tic: Hefer, Galaad, Maquir, Manasés yet' José.

Nm 27:3

A qui mam on̈, chamnc can 'a lum cusltac lu'um, palta man̈ locnoc 'aych 'a scal eb' yic Coré, eb' meltzjnac 'och 'ajc'ojlal 'a Jehová. 'Ix cham yuj smul mun yico', palta may junc yunnal to winac.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Nm 36:1

A eb' yajl yaj 'a scal eb' yunnal Galaad, atn eb' yin̈tl can Maquir, yunnal Manasés yixchicn José. A eb' tic xc'och 'a Moisés yet' 'a eb' yajl yaj 'a scal eb' yit israelal, 'ix yaln eb' 'ixtc 'a eb':