Nm 26:28 - Chuj San Sebastian Bible

²⁸ Eb' yunnal José, atn eb' tic tzb'inax 'a eb' yin̈tl yuj Manasés yet' Efraín.

Chuj San Mateo Bible

^28-34 Axo pax d'a yin̈tilalcan José, chab' in̈tilal yaj eb', aton yic Manasés yed' yic Efraín. A eb' yin̈tilalcan Manasés chi', ay 52 mil 700 eb' vinac d'a smasanil. A eb' sb'inajcan d'a scal junjun macan̈ yin̈tilal vin̈: Aton vin̈aj Maquir yed' vin̈aj Galaad yuninal vin̈aj Maquir chi' yed' pax eb' yuninal vin̈aj Galaad chi', aton vin̈aj Jezer, vin̈aj Helec, vin̈aj Asriel, vin̈aj Siquem, vin̈aj Semida yed' vin̈aj Hefer. (A vin̈aj Zelofehad yuninal vin̈aj Hefer, malaj yuninal vin̈, an̈ej eb' ix yisil vin̈ ay: Aton ix Maala, ix Noa, ix Hogla, ix Milca yed' ix Tirsa.)

Nm 26:28 Referans Kwoze

Gn 48:5

Yuj cha, a wal chawn̈ onnal tic x'alj 'a Egipto yic mantzac in jaw 'a tic, wic xon yaj ewinac, 'icha to wunnal tz'ajcn eb', 'icha wal yaj win Rubén yet' win Simeón.

Dt 33:16

Wach' cab' tz'aj smasnil sat te lob'tzal te tz'awx 'a sat lum lu'um, yuj swach'c'ojlal Jehová, atn jun sch'oxjnac sb'a 'a scal c'ac' 'aj wan stz'a jun te q'ui'ix. Cot cab' can smasnil jun tzo'n̈ yaxilal tic 'a yib'n̈ eb' yin̈tl José, yujto sic'b'il 'el win 'a scal eb' yu'tac.

Josué 14:4

Chapojn̈ x'ajl eb' yin̈tl José, atn eb' yic Manasés, yet' eb' yic Efraín. Ax eb' yin̈tl Leví, may smacl lum eb' scha'aj, cojn jun tzo'n̈ chon̈b' x'ajx 'a eb' yet' 'aj tzwa scajb'en noc' eb' 'a stitc chon̈b' cha.

1 Cr 5:23

Ax junx spacl 'in̈tal eb' yic Manasés, yujto caw 'ix niwtj eb', yuj cha, 'ix c'och cajn eb' 'a jun lum lum 'ay 'a yol yic Basán, masnto tzc'och jun lum chi 'a Baal-hermón, atn Senir mto switzl Hermón.

1 Cr 7:14

Eb' yunnal Manasés yet' 'ix schab'l 'istzil, 'ix 'aj Siria; atn Asriel yet' Maquir, smam Galaad.