Nm 25:18 - Chuj San Sebastian Bible

¹⁸ yujto xcot yailal 'a eyib'n̈ yuj eb'. 'In ex yij 'at eb' eyac' 'ejm e b'a 'a Baal cha, yet' pax yuj tas sb'o 'ix Cozbi, 'ix yisl junc win syajlil eb' chon̈b' cha. 'Ix cham yuj q'uen lanza yic caw ow ya'n jun yab'il 'a e cal, yujn̈ej eb' xit' yac' 'ejm sb'a 'a Baal cha, xchi Dios.

Chuj San Mateo Bible

¹⁸ yujto ix ex och d'a yol sc'ab' yaelal yuj eb' ayic ix ex yic'anb'at eb' eyoch ejmelal d'a sdiosal d'a Peor. Naeccoti tas ix ex yutej ix Cozbi, aton ix yisil jun vin̈ yajal yaj d'a eb', yuj chi' ix tecjicham ix d'a q'uen lanza, ayic ix vac'anb'at ilya d'a e cal, yujto tzijtum mach ix och ejmelal d'a sdiosal eb', xchi d'a vin̈.

Nm 25:18 Referans Kwoze

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

Ex 32:35

Yuj cha, 'ix ya'n cot Jehová jun niwquil yab'il 'a yib'n̈ eb' israel, yujn̈ej wal to 'ix yac' 'ejm sb'a eb' 'a jun yechl quelm wacx sb'o Aarón.

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Gn 26:10

Palta xyaln win rey chi 'ixtc 'a 'a: —¿Tas yuj 'ixta on̈ otj on̈? Jab'xoj ma'on̈ 'em 'a maysch'olnil o'oj. Q'uinloc 'ay junc winc xway yet' 'ix estzil tic, oj wali tz'och qui mul on̈, xchi winac.

Gn 3:13

Xlajw cha, sc'anb'n pax Jehová Dios 'ixtc 'a 'ix 'ix cha: —¿Tas yuj 'ixta 'ix otj a b'a? xchi. Xta'w 'ix, xyaln 'ix 'ixtc 'a 'a: —A no chan in 'ixtn paxti', yuj cha, xin lon te', xchi 'ix.

Nm 25:15

Ax 'ix 'ix cha, Cozbi sb'i 'ix, yisl jun win tzcuch Zur, yajl pax yaj win 'a jun c'aj eb' 'aj Madián cha.

Nm 25:17

A ticnec, 'a'c owl yet' eb' 'aj Madián, ax e satn can 'el eb',

Nm 26:1

A yic xlajw ye'cn jun chaml tzcham 'anma yuj cha, 'ix yaln Jehová 'ixtc 'a Moisés yet' 'a Eleazar yunnal Aarón:

A Ch'an̈ B'ab'el Libro Yic Yab'ixal Eb' Rey 11:18

'Ix 'ec' eb' 'a lum Madián, axta xc'och eb' 'a Parán. Ata xyij 'at eb' jun tzo'n̈ eb' winc schecb'oc, ax yic xc'och eb' 'a Egipto. 'Ix 'at sch'oxnc sb'a eb' 'a yojltac win rey cha. Ax win rey chi x'a'n yatut eb', tas tzc'ux eb', yet' pax slum eb'.