Nm 25:13 - Chuj San Sebastian Bible

¹³ To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

Nm 25:13 Referans Kwoze

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Jeremías 33:18

An̈jtona', may b'a'n̈ 'oj satl eb' ya'mal 'och sti eb' 'ayin, yet' jun tzo'n̈ xo eb' yin̈tl Leví, smasnil tiempo a eb' 'oj 'a'nc tz'a xajmb'al 'ayin. 'A junjn c'u ax ya'n tz'a eb' 'ixm trigo ofrendail 'ayin, ax ya'n eb' jun tzo'n̈ xo xajmb'al 'ayin, xchi Dios.

Salmos 106:31

Yuj tas 'ix sb'o cha, wach' xcan 'a a sat. May b'an̈ 'oj 'at satc'ojlal o'oj yet' pax eb' yin̈tl winac.

Ex 40:15

Tzlajw cha, tza tzicn 'och perjuma 'a eb', 'icha wal tzotj Aarón cha. A jun perjuma tzicx can 'och 'a eb' cha, a tzch'oxn 'eli to tz'ochcn eb' 'a yopiso ya'n 'och eb' sti eb' 'anma 'ayn yet' yin̈tl 'a smasnil tiempo, xchi Dios.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

A Ch'an̈ Carta D'a Eb' Hebreo 7:11

A eb' ya'mal 'och sti eb' quit israelal 'a Dios, yin̈tl can Leví eb', yin̈tl pax Aarón eb'. Yuj eb', 'ac'b'il can ley yic Moisés 'a eb' yit israelal. Tzcob' ya'lc eb' sb'on snab'en eb' yit chon̈b' cha, palta matz tac' yuj eb'. Yuj cha, yowlal xjaw junx tz'a'n 'och qui tic 'a Dios. A jun cha, 'ix schaj yopiso 'icha schaj win Melquisedec yico', man̈ 'ichaoc schaj eb' yin̈tl Aarón.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

A Ch'an̈ B'ab'el Libro Yic Yab'ixal Eb' Rey 19:14

Xta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'nc lan̈chjoc eb' yet'l xajmb'al to ec yaji, 'ix laj stzu'nc cham ewin eb' a checab'. Cojxn in cannc in 'a scal eb', ax ticnec, to tzin sayx 'eq'ui, yic tzin smiln cham eb', xchi.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

A Ch'an̈ Schab'l Libro Samuel 21:3

'Ix yaln David 'a eb' 'ixtic: —¿Tas wach' 'oj in b'o eyet'oc? ¿Tas wal tzwutj wa'n spac 'ayex yujto ex 'ixtxi, sec wach' tze c'an swach'c'ojlal Jehová 'a quib'n̈ on̈? xchi.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

Josué 7:12

Yuj cha, matz tac' ste'wtzan sb'a eb' 'a yojltac eb' 'ajc'ojl cha. To smoj wal satl eb', 'oj 'atx eb' 'elc yuj eb' 'ajc'ojl cha. Toto ma'oj e satl jun tzo'n̈ chi 'a e cal, atn jun tzo'n̈ xwal to yowlal tzsatx 'eli, 'oj wi'l in b'a 'a e cal, man̈x 'oj in colwj eyet'oc.

Nm 16:46

'Ix yaln Moisés 'a Aarón 'ixtic: —'Ij cot a tz'ab'c'ac', tza'n 'ejm stzac'ac' yic yet'l xajmb'al 'a yojol, tza'n q'ue incienso 'a yib'an̈. Tzlajw cha, tzach 'at mu'c 'a scal eb' 'anma cha, tza c'ann niwnc'ojlal 'a Dios yuj smul eb', yujto tox 'ix cot yowl Jehová 'a yib'n̈ eb', tox 'ix ya' cot jun yab'il to tzcham eb' 'anma smasnil yu'uj, xchi.

Ex 32:30

Ax 'a junx c'u cha, 'ix yaln pax Moisés 'a eb' 'anma chi 'ixtic: —Ax tic, caw wal niwn e mul 'ix 'och 'a sat Jehová, tic tzin 'atx 'a sjolm lum witz chi jun 'ejm xo, 'a 'aj 'ayc' cha. Lemb'il 'oj wac' ganar ya'n niwnc'ojlal 'ayx yuj e mul tic, xchi Moisés cha.

Salmos 119:139

Caw tztac in c'ojl wiln 'och eb' 'ajc'ojl yajch 'ayin, yujto may yel'ch a paxti 'a eb'.

A Ch'an̈ B'ab'el Libro Yic Yab'ixal Eb' Rey 2:27

'Ixtnta 'ix 'aj yel Abiatar 'a yopiso ya'n 'och sti eb' 'anma 'a Dios yuj Salomón. 'Ix 'el'ch tas alb'il can yuj Jehová 'a Silo 'a yib'n̈ eb' yin̈tl Elí.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Nm 16:47

Ax Aarón 'ix syiclj tas xyal Moisés, carela x'at 'a 'aj yamn eb' chon̈b' cha. Ax jun yab'il xyac' cot Jehová, wan xo laj scham 'anma chi yu'uj. Yuj cha, 'ix ya'n 'och Aarón sc'a'l incienso yic tzc'ann niwnc'ojlal 'a Dios yuj smul eb' chon̈b' cha.

Nm 25:14

A win israel xcham yet' 'ix 'aj Madián cha, Zimri sb'i winac, yunnal jun win tzcuch Salu, yajl yaj win 'a scal eb' yin̈tl Simeón.

Nehemías 13:29

Yuj cha, xwaln pax 'ixtc 'a in lesal: Ach in Diosal na cot jun tzo'n̈ eb' x'a'n juwc 'el jun 'opiso yic tzya'n 'och eb' sti eb' 'anma 'ayach, yet' a trato xa b'o yet' eb', yet' eb' levita, xin chi.

Malaquías 2:8

Ax xo ax ya'malx 'och sti eb' 'anma tic 'ayin, caw wal xeyij 'el e b'a 'a tas wach'. Yuj wal cuynb'il tzeyac' cuyxoc, yuj cha, til xo wal eb' xtelw 'ejm eyu'uj. An tzwala, to caw xeyixtj 'el in trato wa'jnac can yet' eb' e mam eyicham.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Nm 17:12

Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.