Nm 24:7 - Chuj San Sebastian Bible

⁷ A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.

Chuj San Mateo Bible

⁷ A b'aj ayec' chon̈ab' Israel chi', man̈xo jantacoc a a'. Vach'n̈ej yuc'an a' eb' yed' yac'anoch yalil tas syavej eb'. A sreyal eb' te ay smay d'a yichan̈ vin̈aj rey Agag. Te nivan yaj smacb'en sreyal eb'.

Nm 24:7 Referans Kwoze

1 Cr 14:2

Yuj cha, 'ix nachj 'el yuj David chajtlto a Jehová 'ix 'a'n 'och reyl 'a yib'n̈ chon̈b' Israel. Caw 'ix 'ijx chan̈ yopiso yujto 'ay schamc'ojlal Jehová 'a schon̈ab'.

A Ch'an̈ Schab'l Libro Samuel 5:12

'Ixta wal x'aj snachj 'el yuj David chajtlto caw a Jehová a x'a'n 'och reyl 'a chon̈b' Israel, caw wal xniwtj yopiso, yujto a Jehová caw wal 'ay schamc'ojlal 'a schon̈b' cha.

Apoc 17:1

'Ay jun 'a eb' ángel 'ay svaso yucwn̈il 'ix jawi. 'Ix yaln 'ixtc 'ayin: —Cotan̈, 'oj in ch'ox jun niwn yailal 'oj 'em 'a yib'n̈ jun 'ix yajl 'ajmul 'ix. Atn 'ix wocn q'ue 'a yib'n̈ jun tzo'n̈ a mar.

Jeremías 51:13

Ax wal ax tic ex 'aj Babilonia, a 'a sti eb' a niwc a cajn ex, yuj cha, caw wal niwc rico ex. Palta 'ix c'och stiempoal e satl 'a jun 'ejmn̈ej.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Salmos 68:26

E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.

Salmos 18:43

In a colcn 'el 'a yol sc'ab' eb' chon̈ab', in a'n 'och syajlilc niwc chon̈ab'. A eb' 'anma man̈ wojcoc, a eb' tzin 'a'n servil.

Esdras 4:20

A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

Nm 24:20

'Ix meltzj 'at q'ueln Balaam 'a lum chon̈b' Amalec, 'ix yaln 'ixtic: A chon̈b' Amalec, yel xo wal niwn yel'ch 'a yib'n̈ jun tzo'n̈ xo chon̈ab', palta 'oj satcn 'el 'a jun 'ejmn̈ej, xchi.

Salmos 89:27

An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Salmos 72:11

Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.