Nm 24:1 - Chuj San Sebastian Bible

¹ Yujto xyil Balaam to tzchaj sc'ojl Jehová yalx wach' paxti 'a yib'n̈ chon̈b' Israel, yuj cha, man̈x 'ic 'at sc'anb'j 'a Jehová tas 'oj yalx cha, man̈ 'icha'oc xyac' 'a b'ab'el, palta ton̈j 'ix 'at q'ueln 'a lum cusltac lu'um.

Chuj San Mateo Bible

¹ Axo yic ix nachajel yuj vin̈aj Balaam to scha sc'ol Jehová ayic syalan vach' lolonel vin̈ d'a yib'an̈ eb' israel, majxo b'atlaj vin̈ sc'anb'ej yab' icha ix yutej d'a sb'ab'elal, an̈ej to ix b'at q'uelan vin̈ d'a tz'inan luum chi'.

Nm 24:1 Referans Kwoze

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Nm 23:3

Xlajw sb'o yuj eb', 'ix yaln Balaam 'ixtc 'a Balac: —Wach' ajcn 'a stz'ey jun tzo'n̈ xajmb'al tic, ya' sb'a 'oj 'at wila', toto 'oj jawc Jehová paxtinc wet'oc, ax waln 'aych muc'uc tas 'oj yutc yaln 'ayin, xchi 'a 'a. Xlajw cha, 'ix 'at Balaam 'a sjolm jun lum witz may ste'al.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

Nm 31:16

Atn eb' 'ix x'i'n 'at eb' quit chon̈b'ec 'a maysch'olnil, yuj tas 'ix yal Balaam. 'Ix 'och wal smul eb' 'a Jehová yic xya'n 'ejm sb'a eb' 'a comn dios tzcuch Baal 'aj Peor. Yuj wal cha, caw niwn eb' quit israelal smiljnac cham Jehová yet' jun yab'il.

Nm 23:28

'Ix yi'n pax 'at Balac chi win 'a lum jolm witz Peor, 'a 'ajtil checl lum cusltac lu'um.

Nm 23:20

Xyal Jehová 'ayin, to tzwal wach' paxti 'a yib'n̈ jun chon̈b' cha. A tas tzyala, matz tac' in jeln 'eli.

Nm 23:15

Xlajw cha, xyaln 'a Balac 'ixtic: —Cann̈ pax 'a stz'ey no xajmb'al tic, ya' sb'a 'oj in 'at paxtinc yet' Jehová, xchi.

Nm 22:13

Ax yic 'ix sacb'el 'a junx c'u cha, 'ix q'ue wan Balaam, 'ix yaln 'a eb' schecb' win Balac chi 'ixtic: —A ticnec paxn̈ec 'a e chon̈ab', yujto a Jehová matz in schaj 'at eyet' 'a e chon̈b' cha, xchi.

A Ch'an̈ B'ab'el Libro Samuel 26:25

'Ix 'awj pax Saúl jun 'ejm xo, 'ix yaln 'ixtic: —Ya' cab' Dios swach'c'ojlal 'a eb'n̈ David, to 'icha wunnal aji. Niwn cab' yel'ch tas 'oj a b'o', wach' 'oj 'el'chocn̈ej smasnil, xchi Saúl. Xlajw cha, 'ix pax Saúl 'a yatut, ax David 'ix 'atx can 'a sb'e.

A Ch'an̈ B'ab'el Libro Samuel 26:2

Xlajw cha, 'ix 'at Saúl yet' 'oxe mil eb' soldado caw jeln 'a scal eb' yit israelal, 'ix 'at eb' 'a lum cusltac lum yic Zif, yic tzsayn pax 'ec' eb' David.

A Ch'an̈ B'ab'el Libro Samuel 24:20

A ticnec 'ix nachj 'el wu'uj, to ach 'oj och reyal. A opiso 'a yib'n̈ qui chon̈ab' may mach 'oj stac' yi'n 'ec' 'a yol a c'ab'.

Nm 22:7

Ax eb' yichm wincal chon̈b' Moab yet' eb' yic Madián, 'ix 'at eb' 'a 'ajtil 'ayc' Balaam cha. Caw niwn tumn 'ix yij 'at eb', sec tztojcn eb' jun tzo'n̈ catb' cha. A yic xc'och eb' 'a Balaam, 'ix yaln eb' schecnb'il yet' yuj Balac.

Nm 23:30

'Ix sb'o Balac 'icha wal xyutj Balaam yalni, jun quelm wacax yet' jun mam calnelu, 'ix ya'n q'ue 'a yib'n̈ junjn yet'l xajmb'al cha.