Nm 23:24 - Chuj San Sebastian Bible

²⁴ A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Chuj San Mateo Bible

²⁴ A jun chon̈ab' tic syic'chaan̈ sb'a ichoc noc' choj te ay smay. Ayic toxo ix och sat noc' d'a junoc schib'ej, max och vaan noc' spechani masanto syamchaji syuc'an schiq'uil noc', icha chi' yaj eb', xchi vin̈.

Nm 23:24 Referans Kwoze

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Gn 49:27

Ach xo ach tic Benjamín, lajn ach 'icha wal junc no 'ocs caw ow, a 'a yic caw sq'uin̈b'il to, tzchin 'ejm yit noc'al; ax 'a yic sq'uic'b'alil xo, tzpojn can 'ec' tas matz lajw yu'uj, xchi win Jacob 'a eb' yunnal cha.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.

Zacarías 12:6

A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.

Nm 24:17

'Ay jun mach to caw najtto 'ay, palta tztac' wiln 'ati: 'ay jun rey 'oj checljoc chan̈ 'a scal eb' yin̈tl Jacob, caw tzictzni 'icha c'anal. A jun rey cha, 'oj yac' yajlil 'a scal eb' yin̈tl Israel. A 'oj satnc 'el chon̈b' Moab, a pax 'oj satnc 'el eb' yin̈tl win Set.

Nahúm 2:11

¿Tas 'ix 'i'n chon̈b' Nínive tic? 'Icha wal sn̈aq'uen no león 'aj 'ayc' yet' yune', 'ixta yaj 'a yic yaln̈taxi. A e no león chi yet' yune', caw wach' yaj no ta tzyab'i, may mach tzxib'tn no ta'.

Am 3:8

Smasnil 'anma tzxiwi, toto tz'el yaw no león. An xo, ¿tom ma'oj wal-l spaxti Jehová Cajlil, toto a tzaln 'ayin?

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Is 31:4

A Jehová a 'ix aln 'ayn 'ixtic: 'Icha wal yel yaw junc no 'ichm león tztan̈wj schib'ej, wach'xam niwn eb' 'ilm calnelu tzyoy sb'a 'a no', wach'xam jantc yel yaw eb' xib'tn cob' no', toc tzxiw no yuj eb'. 'Ixta wal 'oj wutc in tan̈wni eb' in chon̈ab', yic 'oj wul wa'nc owl 'a lum tzaln Sión.

Pr 30:30

Atn no león, caw wal 'ay smay no', toxn matz 'at no 'elc yuj junc 'anma';

Salmos 17:12

Lajn eb' 'icha no león lachn 'ejmi yic tz'elt jucnjoc syam schib'ej.

Dt 33:20

'Ix yaln 'ixtc 'a yib'n̈ eb' yin̈tl Gad: ¡'Ijx cab' chan̈ sb'i Jehová, to a 'ix 'a'n slum eb' yin̈tl Gad, yujto caw lewn slum eb'! Lajn eb' 'icha junc no león tzjil't sc'ab' tzicn cot xil sjolm junc xo no', 'ixta eb' 'a eb' 'ajc'ojl yajch 'a 'a.

Nm 23:25

Xlajw cha, xyaln Balac 'ixtc 'a Balaam: —Toto matz tac' a catb'tzan can jun chon̈b' tic, man̈ alcn pax wach' paxti 'a yib'an̈, xchi winac.

Nahúm 2:12

A yic tzmiln cham no mam león chi schib'ej, tzcotc pojn 'ec' no a no snun yet' 'a e no cotc cha. Caw wal b'ut'jnac 'el yol sn̈aq'uen e no chi yuj schib'ej. 'Ixta yaj chon̈b' Nínive 'a yic yaln̈taxi.

A Ch'an̈ B'ab'el Libro Yic Yab'ixal Eb' Rey 10:20

'Aych pax lajchwan̈ yechl no león chi 'a jun sc'ochal cha, junjn 'a junjn smoch waque sb'achquixtacl cha. ¡May junc xo rey sb'ojnac yic 'icha jun cha!

2 Cr 9:18

A jun despacho cha, 'ay sc'ochal, waque sb'achquixtaquil. 'Ay 'ejm oro 'a 'aj te'n 'ejm yoc win rey. B'ob'il 'och sc'ab' jun xilail chi 'a junjn smo'och, b'ob'il 'och pax yechl junjn no león 'a junjn sc'ab' cha.