Nm 22:41 - Chuj San Sebastian Bible

⁴¹ Ax 'a yic sq'uin̈b'il 'a junx c'u, 'ix yi'n 'at Balac chi win Balaam. Xlajw cha, xyi'n q'ue 'a sjolm jun lum witz tzcuch Bamot-baal, yujto ata checl scamplamento eb' israel.

Chuj San Mateo Bible

⁴¹ Axo d'a junxo c'u, ix ic'jib'at vin̈aj Balaam yuj vin̈aj Balac chi' d'a jolom vitz scuch Bamot-baal, ata' syal yilanb'at janic'oc scampamento eb' israel eb' vin̈.

Nm 22:41 Referans Kwoze

Nm 23:13

Palta 'ix tew 'och Balac 'a Balaam cha, xyaln 'ixtc 'a 'a: —Con̈ wet' 'a junc xo lugar, 'a 'aj cojn sti 'el scamplamento eb' chequel, 'a 'aj man̈ checloc smasnil, sec wach' ata tza catb'tzej can eb' in c'ana', xchi.

Jeremías 48:35

An Jehová in, an tzwala: A 'a Moab, 'oj in satl 'emmquilal, atn xajmb'al tz'at yac' eb' 'a lum won̈ctac 'a 'aj 'ay jun tzo'n̈ smacsej eb', yet' incienso tzyac' tz'a eb' 'a sdiosal.

2 Cr 11:15

Yujto a Jeroboam cha, xya'ch yopiso jun tzo'n̈ eb' tz'och ya'malc 'och sti eb' 'anma 'a scomn diosal, yic tz'och eb' 'emmquilal 'a jun tzo'n̈ macsej 'a jolmctac witz, yet' 'a eb' demonio, yet' pax 'a jun tzo'n̈ yechl wacx b'ob'il chan̈ yu'uj.

Dt 12:2

Ma'c poj smasnil yet'l 'aj tzlaj yal sb'a eb' 'anma chi 'oj 'em eyuj cha; tze ma'n juwc smacsej eb' 'ay 'a lum jolmctac witz, 'a tzalctac, yet' pax jun tzo'n̈ xo 'ay 'a yich te niwc te caw pim xi'il.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Nm 22:40

Ata 'ix yac' win Balac milxoc no wacax yet' no calnelu, sec tz'ajx no schi Balaam yet' eb' 'ichmtac winc ajun yet' cha.

Nm 23:1

Yuj cha, 'ix yaln Balaam 'ixtc 'a Balac: —B'o chan̈ uque'oc yet'l xajmb'al 'a tic. Tzlajw cha, tze'n cot ucwn̈oc no quelm wacax, yet' ucwn̈oc no mam calnelu, xchi.

Jeremías 19:5

An̈jtona', xe b'on pax jun tzo'n̈ yet'l xajmb'al 'a 'aj tzeyac' tz'a eb' eyunnal xajmb'al-l 'a comn dios Baal, tze b'on wal tas to man̈oc in 'ix wac' e b'o', may xon pax tas tz'ec' 'a in nab'en to 'ixta tzeyutj e b'a.