Nm 22:19 - Chuj San Sebastian Bible

¹⁹ Palta tzwal 'ayex, tztac' e can wet' 'a jun 'ac'wl tic, ax wilni tas 'oj yutc Jehová yaln 'ayin, xchi 'a eb'.

Chuj San Mateo Bible

¹⁹ Tato syal e canpax d'a jun ac'val tic, ol vab' tas ol yutoc Jehová yalanxi d'ayin, xchi vin̈.

Nm 22:19 Referans Kwoze

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

A Schab'il Carta San Pedro 2:15

'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

Nm 22:18

Palta 'ix ta'w Balaam 'a eb', xyaln 'ixtic: —Wach'xam b'ut'jnac sdespacho Balac yet' smasnil q'uen oro mto q'uen plata yic tzya'n 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'.

Nm 22:20

Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic: —Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.