Nm 21:29 - Chuj San Sebastian Bible

²⁹ 'Oltacx wal ax tic 'aj Moab, ex lajw 'eli, schon̈b' ex cob' dios Quemos. A jun e diosal cha, ma'ix stac' scolwji, 'ix 'at eb' e soldado 'eloc, ax smasnil eb' 'ix 'ix, 'ix can eb' 'ix 'a yol sc'ab' rey Sehón.

Chuj San Mateo Bible

²⁹ Ex aj Moab, ob'iltac ex. Toxo ix ex lajviel ex schon̈ab' dios Quemos. Aton jun e diosal chi' maj yal-laj scolvaji, yuj chi' ix el lemnaj eb' soldado smasanil, axon̈ej eb' ix ix, ix can d'a yol sc'ab' vin̈aj rey Sehón.

Nm 21:29 Referans Kwoze

Jeremías 48:46

'Oltacx wal ex 'aj Moab, schon̈b' ex Quemos, caw ex sat 'ejmi. A wal eb' eyunnal, yet' eb' 'ix eyisil, tox 'ix 'ijx 'at eb' 'icha presoal.

A Ch'an̈ Schab'il Libro Yic Yab'ixal Eb' Rey 23:13

'Ix ya'n pax win rey chi juwc jun tzo'n̈ macsej 'ay 'a jolmctac witz 'a stojlal 'aj tzq'uel c'u 'a Jerusalén, 'a spac'b'il lum tzaln olivo tzcan 'a qui wach' c'ab'. A jun tzo'n̈ cha, b'ob'il can yuj Salomón sreyl chon̈b' Israel, yic tz'och eb' 'emmquilal 'a jun tzo'n̈ comn dios caw yajb'entac: Atn Astarté sdiosal eb' 'aj Sidón, yet' Milcom sdiosal eb' amonita.

Jueces 11:24

Q'uinloc a Quemós e diosal ax tic, a tz'a'n junc tas eyico'oc, ¿tom matz eyalch junc chi eyico'oc? 'Ixta pax caj an̈ tic on̈. A tas tzyac' Jehová qui Diosal quico'oc, atn tzcalch pax quico'oc on̈.

Jeremías 48:7

A Moab, a wal smunljel yet' sricoal 'aych yipc sc'ojol, palta an̈jtona 'oj 'ijxoc 'ati. A jun sdiosal tzcuch Quemos, 'oj 'ijxoc 'at 'icha presoal, yet' eb' 'aych ya'malc 'och sti eb' 'a 'a, yet' pax eb' 'anma caw niwc cob' yel'chi.

A Ch'an̈ B'ab'el Libro Yic Yab'ixal Eb' Rey 11:33

Yujto in yactj can Salomón, ax 'a jun tzo'n̈ comn dios, ata xyac' 'emmquilal, atn 'a Astarté 'ix sdiosal eb' sidonio, yet' 'a Quemós sdiosal eb' moabita, yet' pax 'a Milcom sdiosal eb' amonita. Caw man̈x wach'c tas tzb'o 'a in sat, man̈xtzac syiclj in ley yet' in checnb'il, 'icha yutjnac syiclni David, atn smam.

A Ch'an̈ B'ab'el Libro Yic Yab'ixal Eb' Rey 11:7

A 'a sjolm jun witz 'a stojlal 'aj tzq'uel c'u 'a Jerusalén, ata 'ix sb'o Salomón jun scajnub' jun comn dios tzcuch Quemós, atn wal jun yechl scomn diosal eb' moabita, yet' jun scajnub' junx comn dios tzcuch Moloc, atn yechl scomn diosal eb' amonita. A jun tzo'n̈ dios tic, caw yajb'il 'el eb' yuj Dios.

Jeremías 48:13

Yuj cha, a eb' 'aj Moab cha, caw 'oj jawc schab'c'ojlal eb' 'a Quemos, atn sdiosal eb', 'icha wal 'ajnc sjaw schab'c'ojlal eb' israel yuj sdiosal 'a Bet-el, atn jun 'aych cob' yipc sc'ojl eb'.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Nm 24:17

'Ay jun mach to caw najtto 'ay, palta tztac' wiln 'ati: 'ay jun rey 'oj checljoc chan̈ 'a scal eb' yin̈tl Jacob, caw tzictzni 'icha c'anal. A jun rey cha, 'oj yac' yajlil 'a scal eb' yin̈tl Israel. A 'oj satnc 'el chon̈b' Moab, a pax 'oj satnc 'el eb' yin̈tl win Set.

Jeremías 48:45

A eb' wan cob' s'at 'eloc, man̈x 'a yip eb', 'oj 'at say eb' 'aj tz'at scol sb'a 'a Hesbón. Palta a 'a Hesbón cha, atn schon̈b' win rey Sehón, ata 'oj n̈ilchjoc 'elt c'ac' 'a 'a, caw 'oj b'eyn̈j s'at c'ac' cha. 'Oj sn̈usn̈j tz'a jun tzo'n̈ lugar cha, masnto 'oj c'och 'a lum jolmctac witz 'a yol snacion̈ jun tzo'n̈ caw tzcob' sb'an̈ sb'a cha.