Nm 21:24 - Chuj San Sebastian Bible

²⁴ Palta ax eb' israel cha, scol sb'a eb'. 'Ix ya'n ganar eb' slajw 'el eb' amorreo cha. Yuj cha, 'ix smacn can 'ec' eb' israel yico'oc slum eb', atn lum tzcot 'a sti a niwquil a Arnón masnto tzjaw lum 'a sti a a tzcuch Jaboc, atn a tz'ec' 'a smon̈jon eb' amonita. A jun lum cha, caw wal wach' yaj smacn eb'.

Chuj San Mateo Bible

²⁴ Ix yac'an oval eb' israel chi' yed' eb', ix ac'ji ganar vin̈aj Sehón yed' eb' soldado yuj eb'. Ix ic'jiec' lum sluum eb' chi' yuj eb' israel chi'. Sb'atn̈ej d'a sti' a' Arnón, masanto sc'och d'a sti' a' Jaboc, masanto b'aj tz'ec' smojonal sluum eb' amonita. A jun luum chi' te vach' yaj smacchaj yuj eb' amonita chi'.

Nm 21:24 Referans Kwoze

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Salmos 136:19

A xmiln cham win Sehón, atn win sreyl eb' amorreo. A schamc'ojlal Dios 'ayn̈j 'a smasnil tiempo.

Nehemías 9:22

'Ix ac' jun tzo'n̈ chon̈ab' yet' jun tzo'n̈ nacion̈ 'a eb'. Xa pojn 'ec' slum eb'. Xchan eb' smacl lum 'a Hesbón, atn 'a jun chon̈b' chi 'aj 'aych win Sehón reyal, yet' 'a Basán, 'a 'aj 'aych win Og reyal.

Josué 24:8

masnto ex wij cot yet' eb' 'a lum slum eb' amorreo, 'a stojlal 'aj tzq'uel c'u 'a a Jordán. Xcob' yac' eb' owl eyet'oc, palta an xo xwac' eb' 'a yol e c'ab', yuj cha, x'em eb' eyu'uj, ax xo xeyique'ej can slum eb'.

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

Jueces 21:8

¿'Aym jun c'ajoc eb' quit israelal ma'ix xit' quet'ec 'a qui yamnil x'och 'a yojltac Jehová 'a Mizpa? xchi eb'. Snan cot eb' to a eb' cajn 'a Jabes 'a yol yic Galaad, may xon junc eb' xit' 'a yamnil cha.

Josué 9:10

'Ix cab' speclal tas x'aj chawn̈ eb' sreyl eb' amorreo yu'uj, eb' cajn 'a sc'axpil 'ec' sti a Jordán, atn win Sihón sreyl Hesbón yet' win Og sreyl Basán, cajn 'a chon̈b' Astarot.

Dt 29:7

A yic on̈ jawc 'a jun lugar tic, 'ix 'elt win Sehón sreyl chon̈b' Hesbón yac' owl quet'ec, yet' win Og sreyl chon̈b' Basán, palta xlajw 'el eb' cujec.

Dt 3:16

Ax 'a eb' yin̈tl Rubén yet' eb' yin̈tl Gad, ata xwac' lum 'ay 'a snan̈l Galaad yet' a niwquil a Arnón. Ata tz'ec' smon̈jonal lum 'a spacl lum ch'olan, masnto tzc'och 'a sti a Jaboc, atn a 'aych smon̈jonoc eb' amonita.

Nm 21:13

Xlajw cha, 'ix b'eyx cot eb' 'a yojltac, axta xjaw eb' 'a sc'axpil 'ec' sti a niwquil a tzcuch Arnón. A jun a niwquil a cha, ata tz'ec' a 'a lum cusltac lu'um, 'a yol smacb'en eb' amorreo. A jun a chi 'aych smon̈jonoc eb' 'aj Moab yet' eb' amorreo.

Josué 13:12

Xyique'ej pax eb' lum 'aj tzyac' win Og yajlil 'a Basán, win ya'jnac yajlil 'a Astarot yet' 'a Edrei. Cojxn win tic cann̈c can 'a scal eb' yin̈tl Refa. 'Emnc chawn̈ eb' rey tic yet' eb' 'anma 'a yol schon̈b' yuj Moisés 'a owal.

Jueces 11:13

Ax win sreyl eb' amonita cha, 'ix spacn cot win 'ixtc 'a eb' schecb' win Jefté: —A yic ex cot ax israel ex chi 'a Egipto, 'ix wul e to'nc 'ec' qui lum on̈, atn lum tzcot 'a sti a Arnón masnto tzc'och lum 'a sti a Jaboc yet' lum 'ay 'a sti a Jordán. A ticnec, 'actjn̈ej can pax lum 'a yib'n̈ 'a'nc'ojlil, xchi.

Dt 1:4

A yic mantzac yal Moisés jun tzo'n̈ tic, 'emnc xo win Sehón sreyl eb' amorreo yuj eb' israel. Ata cajn win 'a chon̈b' Hesbón. 'Ix 'em pax win Og sreyl Basán yuj eb'. Ata cajn win 'a Astarot yet' 'a Edrei.

Dt 31:4

A Jehová 'oj satnc 'el jun tzo'n̈ chon̈b' cha, 'icha 'ix yutj satn 'el eb' sreyl eb' amorreo, atn win Sehón yet' win Og, c'uxn satl eb' yet' schon̈ab'.

Jueces 10:11

'Ix ta'w Jehová 'a eb' 'ixtic: —Ax tic, ex 'ixtx yuj eb' egipcio, yuj eb' amorreo, yuj eb' amonita, yuj eb' filisteo,