Nm 20:28 - Chuj San Sebastian Bible

²⁸ A yic xc'och eb' 'a lum jolm witz cha, 'ix yi'n 'el Moisés spichl Aarón, ax 'a win Eleazar, ata 'ix ya'x can 'ochi. Xlajw xoj cha, xchamcn Aarón 'a lum jolm witz cha. Cojxn cha, 'ix pax 'emt Moisés yet' Eleazar.

Chuj San Mateo Bible

²⁸ Ata' ix yiq'uel spichul vin̈aj Aarón chi' vin̈, ix yac'anoch vin̈ d'a vin̈aj Eleazar d'a jolom vitz chi'. Ata' ix chamcan vin̈aj Aarón chi'. Ix lajvi chi', ix emixta vin̈aj Moisés yed' vin̈aj Eleazar chi'.

Nm 20:28 Referans Kwoze

Dt 10:6

('Ix 'elx eb' israel 'a Beerot-bene-jaacán, 'ix jaw eb' 'a Moserá. Atnta 'ix chamcn Aarón, 'ix mucx can ta', ax jun yunnal tzcuch Eleazar, a x'ochx can sjelc 'a yopiso, yic tzya'n 'och sti eb' 'anma 'a Dios.

A Schab'il Carta San Pedro 1:15

Yuj cha, tzwac' 'ip, sec wach' 'oj stac' e nan cot jun tzo'n̈ cuynb'il tic 'a smasnil tiempo, yic tox in paxi.

1 Cr 22:17

Xlajw cha, 'ix yaln David 'a smasnil eb' yichm wincal chon̈ab', to tzcolwj eb' yet' Salomón, 'ix yaln 'a eb' 'ixtic:

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.

Nm 20:26

Ata 'oj e'l spichl Aarón tic tzc'an yuj yopiso, yic tzya'n 'och sti eb' 'anma 'ayin. Tzlajw e'n 'el 'a 'a, ax 'a Eleazar ata tza'x can 'ochi, ax Aarón 'oj chamcn ta', xchi Dios.

Nm 20:27

Syiclj Moisés tas 'ix yal Jehová, q'ueln 'och smasnil eb' israel cha, yic 'ix 'ijx 'at Aarón yet' Eleazar yuj Moisés chi 'a lum jolm witz Hor.

Nm 27:13

Cojn wal tzlajw eln can 'at lu'um, ax a cham 'icha 'ajnc scham o'tac Aarón,

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Ex 29:28

A jun c'aj xo no chib'j cha, yic Aarón yaj no yet' eb' yunnal. Ley tz'ajcn jun tic 'a e cal yet' eb' eyit israelal. A jun xajmb'al tzyac' eb' 'ayn an Jehová in, xajmb'al yic junc'ojlal tz'ajcni.

Nm 20:1

A 'a yic b'ab'l 'uj, 'ix c'och eb' israel 'a lum cusltac lum tzcuch Zin, ata 'ix can eb' jun tiempoal 'a yol smacb'en Cades. Ata 'ix cham 'ix María yanb' Moisés, a pax ta 'ix mucx cani.

Josué 24:33

A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.