Nm 20:17 - Chuj San Sebastian Bible

¹⁷ Yuj cha, tzon̈ tew wal 'ayex, comnoc tzon̈ e chaj 'ec' 'a sat lum e lum tic. Ma'oj qui cot 'a scal e munljel 'aj 'ay eyawb'ente', ma'oj cu' pax eyal tzeyuq'uej. Cojn 'a niwn b'e 'oj qui b'ey on̈, may 'aj 'oj quel 'a sti b'e, masnto tzon̈ c'axw can 'ec' 'a e mon̈jon, xe xchi 'a winac, xchi Moisés 'a eb'.

Chuj San Mateo Bible

¹⁷ Yuj chi' scal d'ayach, tope val tz'el d'a a c'ool tzon̈ a chaec' d'a yol a macb'en tic. Man̈ ol on̈ ec'laj d'a scal yavb'en eb' anima ay d'a yol a macb'en tic. Malaj a a' d'a eyuc'b'il a' ol cuq'uej. An̈ej d'a yol nivan b'e ol on̈ b'atoc. Malaj b'aj ol on̈ el b'esnaj d'a yol nivan b'e chi' masanto ol on̈ c'axpajec' d'a yol a nación tic, xchib'at vin̈aj Moisés chi'.

Nm 20:17 Referans Kwoze

Dt 2:27

'Ix in na'a, to a 'a sat lum a lum tic tzin 'ec' yet' eb' 'anma tic, a 'a niwn b'e 'oj in b'ey yet' eb', may junc xo b'e 'aj 'oj qui comn 'ati.

Dt 2:29

'icha on̈ yutj eb' yin̈tl Esaú on̈ schan 'e't 'a sat slu'um, atn eb' cajn 'a lum Seír, yet' eb' moabita cajn 'a lum Ar. 'Ixtan̈ej 'oj caj qui b'ey'ti, masnto 'oj que'cn 'a yojl a Jordán, ax qui c'och 'a lum lum tzyac' Jehová qui Diosal quico'oc on̈, xin chi 'a 'a.

Nm 21:1

Ax yic 'ix yab'n win sreyl eb' cananeo 'ayc' 'a chon̈b' Arad 'a yol yic Neguev, to a eb' israel 'aych eb' 'a yol b'e yic tzc'och eb' 'a lum Atarim, 'ix 'elt win yet' eb' soldado yic tzya'n win owl yet' eb' israel cha. 'Ay eb' xyamchj yu'uj, xyi'n can 'at eb' 'a preso.

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

Dt 2:28

'Oj qui toj smasnil tas 'oj qui man qui c'ux 'ayex, ax qui tojn pax a a 'oj cuc' on̈, cojn toto tzon̈ a chaj 'ec' 'a sat a lum cha,