Nm 20:15 - Chuj San Sebastian Bible

¹⁵ A eb' qui mam quichm on̈, 'ix 'atcn eb' 'a Egipto; ata c'ochnc cajn eb'. Caw niwn tiempo 'ix can eb' ta'. Palta ax eb' 'aj Egipto cha, caw wal on̈ yixtj eb' on̈, 'ixta pax 'ajnc eb' qui mam quichm chi yuj eb' on̈.

Chuj San Mateo Bible

¹⁵ An̈ejtona' ojtacpaxi tas aj sc'ochnaccan eb' co mam quicham ta' d'a peca'. Axo d'a slajvub'alxo tic, ix yac' val och yaelal eb' vin̈ aj Egipto chi' d'a yib'an̈ eb' co mam quicham yed' d'a quib'an̈.

Nm 20:15 Referans Kwoze

Dt 26:6

Palta caw 'oltac x'aj eb' yuj eb' 'aj Egipto cha. 'Ix yab' eb' syal si'mb'il, yic x'ajx 'och eb' 'a munljel caw ya.

Ex 12:40

A eb' israel cha, 430 ab'il xo sc'och cajn eb' 'a Egipto cha, 'ix 'el paxt eb'.

Gn 46:6

X'at Jacob yet' smasnil eb' yin̈tl 'a Egipto yet' smasnil tas 'ay 'a 'a; xyi'n 'at eb' scalnelu, swacax, yet' smasnil tastc 'ay 'a eb' 'a Canaán cha.

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

A Tas Sc'ulejnac Eb' Schecab' Jesús Hechos 7:19

A win rey cha, caw xyixtj win eb' qui mam quichmec cha. Caw xyac' win stul 'a eb'. 'Ix yaln win 'a eb', to yowlal tzjulx 'el jantcn̈ej swinc 'unnal eb' tzat 'alji, sec mun tzlaj cham eb'.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Nm 11:5

¡Caw wal tzqui na cot no chay tzsiyx qui chi 'a Egipto, 'ay pax te pepino, te melón, te puerro, te cewolia yet' te 'axux tzqui c'uxc ta'!

Ex 5:14

Ax eb' israel 'ilm munljel cha, caw wal tzma'x eb' yuj ewin 'aj Egipto 'aych yopiso yuj win rey cha, tzyaln ewin 'ixtc 'a eb': —¿Tas yuj man̈ tz'acnoc e b'o lum e xamit 'ewi, yet' pax ticnec, 'icha xon e b'on lu'um? xchi ewin syajlil eb' cha.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Ex 1:16

—A yic tzeyiln yalj yune eb' 'ix israel cha, cojn yic tz'alj junc 'unn chi muc'uc, tze sayn eyila'; toto 'ix 'unin, q'uib' cab'i', palta toto winc 'unin, tze mil chamoc, xchi win rey cha.

Nm 20:14

A yic 'ayc' Moisés 'a lum Cades, 'ix schecn 'at jaywn̈ eb' schecb' 'a win sreyl Edom, yic tz'at yalnc eb' 'ixtc 'a 'a: An̈ israel on̈ tic, cu'tac to qui b'a eyet'oc, tecn tzeyab' yab'xil tas wal tzon̈ 'aj quixtx 'a Egipto.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Gn 46:7

Xyij 'at Jacob smasnil eb' yunnal, eb' yisil yet' eb' yixchiquin, 'ix 'at eb' yet' 'a Egipto.

A Ch'an̈ Schab'l Libro Samuel 12:18

Yucb'ixial syamchj win 'unn chi yuj yab'il cha, 'ix chami. Ax eb' ya'mal servil win David cha, caw tzxiw eb' yaln 'a winac, yujto xcham win 'unn cha. 'Ix laj sna eb' 'ixtic: A yic pitznto win 'unn tic, 'ay tas xlaj cob' ca'lc caln 'a David, palta ma'ix schaj yab' 'ayn̈ec, ¿ocxom wal tzcalc yab' yuj win 'unn xcham tic? 'Ay smay tasm tzyutj sb'a, xchi eb'.