Nm 19:9 - Chuj San Sebastian Bible

⁹ Ax junc xo win winc wach' yaj 'icha yaln ley, a tzmolb'tzan stan̈il no wacx cha, tzlajw cha, tz'at ya'nc can 'el 'a spatc 'el camplamento, 'a junc lugar to wach'. Ax jun tan̈ cha, a 'oj sc'an eb' israel yic tzb'on eb' a a', a tzc'anx 'a yic tzsacb'tzan sb'a eb' chon̈ab'. A jun tic, xajmb'al yic mul tz'aji.

Chuj San Mateo Bible

⁹ Axo junocxo vin̈ vinac vach' yaj icha yalan ley, a' vin̈ smolanq'ue staan̈il noc' vacax chi', sic'anb'at vin̈ d'a junoc lugar to vach' yaj d'a spatiquel campamento. A juntzan̈ taan̈ chi' sc'an eb' eyetisraelal ayic sb'oan a a' eb' sc'anchaji yic sacb'itaj eb' icha yalan ley. Masanil juntzan̈ tic sc'ulaji yic syic'anel mul.

Nm 19:9 Referans Kwoze

A Ch'an̈ Carta D'a Eb' Hebreo 9:13

A schic'l no mam wacax, no quelm chiwo, yet' stan̈il no cob's wacx n̈usb'il, a tzicb'il 'at 'a yib'n̈ eb' man̈ wach'c yaj 'a sat Dios yuj ley yic Moisés. Yujto 'ay yopiso sb'o eb' 'a sat Dios yu'uj, 'icha to tzsacb'tzax eb' yu'uj.

Nm 19:13

Toto 'ay mach tzyamn sniwnal junc chamnc cha, matz sacb'tzej sb'a, tzjuw 'el in cajnub' yu'uj, yujn̈ej cha, tz'ijx 'el 'a scal yit chon̈ab', yujn̈ej to matz sacb'tzej sb'a yet' a a cha, to man̈ wach'c yaj 'icha yaln ley.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.

Nm 8:7

'Ixtc 'oj otc a sacb'tzan eb': Tza tzicch a a 'a eb', a tzc'anx 'a yic tzsacb'tzax can junc tas. Tzlajw cha, tzjosn 'el eb' xil smasnil sniwnal, tzju'n pax 'el eb' spichul, 'ixta tz'aj sacb'tzan sb'a eb'.

Nm 6:12

Tz'el yich junx tiempoal 'aj tzyac' sti chi 'ayin. A jun tiempoal 'ix 'ec' 'a yic yaln̈tax cha, man̈xtzac 'och stz'acb'oc, yujto a xil sjolom, tox 'ix juw 'eli. An̈jtona', yowlal tzyij 'at pax junc no calnelu jun ab'il sq'uinl 'ayin, yic tz'och xajmb'al-l yuj smul x'och cha.

Lv 15:20

Tzann̈j waynub'al 'aj tz'ec' c'otn 'ix, mto xila 'aj tz'em wocan, a jun tzo'n̈ cha, man̈ wach'c tz'ajcni.

Nm 19:3

Ax xo 'oj eyac' no 'a Eleazar, win ya'mal 'och sti eb' 'anma 'ayin, ax yijx 'el no 'a spatc 'el camplamento, ata tzyac' win milxoc no 'a yojltac.

Nm 19:8

Ax win winc tz'a'n tz'a no wacx cha, yowlal tzju'l pax win spichul, tz'achn can paxi, palta man̈ wach'c jun winc cha, masnto yic tzq'uic'b'i.

Nm 19:17

A yuj jun tzo'n̈ man̈ wach'c cha, tztac' yijx cot jac stan̈il no wacx stz'a cha, no tz'ajx tz'a yuj mul, tz'ajx 'ejm jac stan̈il no 'a yojl junc b'el, tzlajw cha, tz'em a a 'a yib'an̈, a caw wach' tzcot 'a 'aj tzpaq'ui.