Nm 19:2 - Chuj San Sebastian Bible

² An Jehová in, an tzwac' jun checnb'il tic: Alc jun tic 'a eb' eyit israelal, to tzyij cot eb' junc no cob's wacx chac yilxi, tzya'n eb' 'ayex, no may spaltail, no mant 'a 'aj tzq'ue te yugo 'a sjolom.

Chuj San Mateo Bible

² A in Jehová in svac' jun checnab'il tic. Alec d'a eb' eyetchon̈ab' to syic'cot junoc noc' cob'es chacchac vacax eb' malaj jab'oc spaltail, manto juneloc smunlaji.

Nm 19:2 Referans Kwoze

Dt 21:3

Ax eb' yichmtac wincal jun chon̈b' cha, eb' la'n yaj 'a stz'ey cha, tzyij cot eb' junc no cob's wacax, no mant 'a 'aj tzq'ue te yugo 'a sjolom,

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Ch'an̈ B'ab'el Libro Samuel 6:7

A ticnec, 'a'c b'o junc te 'ac' caruaje, tzeyi'n cot chawn̈oc no nun wacx 'ay yune', no may 'aj tzq'ue te yugo 'a sjolom. Tzeya'n stoc' e no te'. Man̈ e cha 'och tza'n e no cotc chi yuj snun cha. Tzeyij can meltzjoc e no', tze macn e no 'a yol scolal.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

A Sb'ab'el Carta San Pedro 2:22

A jun cha, may 'aj x'och jac smul. May jun 'ejmoc 'ix yixtj paxti junc 'anma'.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Nm 31:21

Ax Eleazar win ya'mal 'och sti eb' 'anma 'a Dios, 'ix yaln 'ixtc 'a smasnil eb' soldado xit' 'a owl cha: —Atn jun ley tic xyac' Jehová 'a Moisés tic:

Nm 19:6

Ya' sb'a tz'a no', tzyi'n cot Eleazar chi te c'ute', junc sc'ab' te hisopo yet' te chac ch'al, tzya'n 'och 'a scal c'ac' 'aj wan stz'a no wacx cha.

Lv 14:6

Tz'ijx pax cot junx no ch'ic chi pitznto cha, yet' te c'ute', te chac nip, yet' pax te hisopo. Tzlajw cha, tzlab'x 'ejm jun tzo'n̈ chi 'a scal a a caln yaj yet' schic'l no ch'ic cha.

Ex 12:5

A no noc' cha, yowlal cab' jun ab'il xo sq'uinl no', no may spaltail 'a sniwnal, wach'xam chiwo mto calnelu, cojn toto smam no'.

Nm 19:1

'Ix yaln Jehová 'a Moisés yet' 'a Aarón 'ixtic:

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.