Nm 19:15 - Chuj San Sebastian Bible

¹⁵ Smasnil lum chen mto lum xalu, man̈ wach'c yaj q'ue smacl sti', an̈jtona man̈ wach'c tz'ajcni.

Chuj San Mateo Bible

¹⁵ Masanil chen to man̈ vach'oc yaj smacji, man̈xo vach'oc tz'ajcani.

Nm 19:15 Referans Kwoze

Lv 14:36

A yic mantzac 'och win ya'mal 'och sti eb' 'anma chi 'a yol n̈a cha, yowlal tzyala to tz'elt smasnil tas 'ay 'a yojl te n̈a cha, toq'ue tzyal winac to locn jun tzo'n̈ chi man̈x wach'c yet' te n̈a cha. Tzlajw cha, tz'och win yila', tas yab'ilal jun chi c'uxmtac yilx 'a yol n̈a cha.

Lv 11:32

Q'uinloc 'ay junc tas 'aj tz'em no chamnc noc' chi 'a yib'an̈, a jun tzo'n̈ cha, man̈ wach'c tz'ajcn yuj no'. 'Icha junc te yamc'ab', junc pichul, junc tz'u'um, junc coxtal, junc yamc'ab' yic munljel. A jun tzo'n̈ cha, yowlal tzlab'x 'ejm 'a yol a', yujto man̈ wach'c tz'ajcn yu'uj, masnto tzq'uic'b'i; tzlajw to chi b'i'an tzb'ox cani.

Nm 31:20

Tze sacb'tzej pax smasnil e pichul, yet' smasnil eyamc'ab' to tz'u'um, mto xil chiwo, mto te', xchi Moisés.

Nm 19:14

Atn jun tzo'n̈ ley tic, toto 'ay mach tzcham 'a yojl smantiado: Smasnil eb' 'ayc' 'a yojl jun mantiado cha, yet' eb' tzat 'och 'a yojol, man̈ wach'c tz'ajcn eb' 'a uque c'ual.

Nm 19:16

A mach tzyamn sniwnal junc chamnc 'anma yec' 'a sti 'el chon̈ab', junc tzmilx chamoc mto mun tzchami, mto junc sb'acl chamnc 'anma', mto pax junc yet'l junc chamnac, a jun tzyamn cha, man̈ wach'c tz'ajcn 'a uque c'ual.

Lv 11:33

Q'uinloc tz'em sniwnal junc no chamnc noc' chi 'a yol junc lum chen, a smasnil tas 'ay 'ejm 'a yojl lum cha, man̈ wach'c tz'aj yuj no', ax jun chen cha, yowlal tzma'x pojoc.