Nm 19:13 - Chuj San Sebastian Bible

¹³ Toto 'ay mach tzyamn sniwnal junc chamnc cha, matz sacb'tzej sb'a, tzjuw 'el in cajnub' yu'uj, yujn̈ej cha, tz'ijx 'el 'a scal yit chon̈ab', yujn̈ej to matz sacb'tzej sb'a yet' a a cha, to man̈ wach'c yaj 'icha yaln ley.

Chuj San Mateo Bible

¹³ Yuj chi' a junoc mach syaman junoc chamnac, tato max sacb'itej sb'a, a jun chi' syixtejel in cajnub'. Yuj chi' yovalil man̈xa yalan yic d'a e cal d'a juneln̈ej, yujto maj tzicjioch a a' chi' d'ay, yuj chi' man̈ vach'oc yaj icha yalan ley.

Nm 19:13 Referans Kwoze

Lv 15:31

'Ixta tzeyutj eyi'n 'el e b'a ax israel ex tic 'a tas man̈ wach'oc, sec ma'oj e chami, yujto 'ay smay sb'on̈x in cajnub' 'a 'aj 'ayn 'ec' 'a e cal tic, xchi Dios.

Lv 22:3

Tzaln 'a 'a, ticnec yet' 'a b'aq'uin̈, toto 'ay eb' yin̈tl man̈ wach'c yaj 'icha yaln ley, tzyamn eb' jun tzo'n̈ xajmb'al chi tzyac' eb' eyit chon̈b' 'ayin, toto 'ixta 'oj yutc eb', jun 'ejmn̈ej 'oj 'ijxoc 'ec' yopiso eb' in ya'n servil.

Lv 7:20

A junc 'anma man̈ wach'c yaji tzchin pax schib'jal no xajmb'al yic junc'ojlal tz'ajx 'ayn an Jehová in, a jun 'anma cha, yowlal tz'ijx 'el 'a scal yit chon̈ab'.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Apoc 22:11

A ticnec, a eb' an̈ja sb'on maysch'olnil, swach' b'oc cab' eb' maysch'olnil cha. Yet' eb' an̈ja sb'on jun tzo'n̈ tas yajb'entac, swach' b'oc cab' eb'. Ax eb' tzb'on tas wach', swach' b'oc cab' eb' wach'l cha. Yet' eb' 'aych snab'en 'a Dios, swach' 'a'c cab' 'och eb' snab'en 'a 'a, xchi.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Nm 19:20

Toto 'ay junc 'anma matz sacb'tzej sb'a 'icha yaln ley, a jun 'anma cha, tztac' yijx 'el 'a scal eb' yit chon̈ab', yujto tz'och smul 'a in cajnub' an Jehová in, yujto matz tzicx 'och a a chi 'a 'a, a tzsacb'tzan 'anma', yuj cha, man̈ wach'c tz'ajcni.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

Nm 19:9

Ax junc xo win winc wach' yaj 'icha yaln ley, a tzmolb'tzan stan̈il no wacx cha, tzlajw cha, tz'at ya'nc can 'el 'a spatc 'el camplamento, 'a junc lugar to wach'. Ax jun tan̈ cha, a 'oj sc'an eb' israel yic tzb'on eb' a a', a tzc'anx 'a yic tzsacb'tzan sb'a eb' chon̈ab'. A jun tic, xajmb'al yic mul tz'aji.

Nm 15:30

Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Nm 8:7

'Ixtc 'oj otc a sacb'tzan eb': Tza tzicch a a 'a eb', a tzc'anx 'a yic tzsacb'tzax can junc tas. Tzlajw cha, tzjosn 'el eb' xil smasnil sniwnal, tzju'n pax 'el eb' spichul, 'ixta tz'aj sacb'tzan sb'a eb'.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Lv 5:17

Q'uinloc 'ay junc mach tz'och smul 'a tas to man̈ smojc sb'on 'a jun tzo'n̈ in checnb'il an Jehová in 'ix wac' 'aych tic, wach'xam man̈ sc'anc sc'ojol, a jun cha, tz'och smuloc.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Lv 5:3

Q'uinloc 'ay mach tzyamn junc tas man̈ wach'c tz'el 'a sniwnal junc 'anma'. A mach tzyamn cha, man̈ wach'c tz'ajcn yu'uj, wach'xam matz yil cot sb'a muc'uc. Palta a yic tzyiln cot sb'a, a jun cha, tz'ochcn smuloc.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Lv 7:21

A junc 'anma tzyamn junc tas to man̈ wach'c 'a sat ley, junc tas 'ay 'a sniwnal junc 'anma', mto 'a junc no noc', junc tas yajb'il wu'uj, tzlajw cha, tzchin pax schib'jal no xajmb'al yic junc'ojlal tz'ajx 'ayin, a jun 'anma cha, yowlal tz'ijx 'el 'a e cal, xchi Dios 'a Moisés.

Nm 19:14

Atn jun tzo'n̈ ley tic, toto 'ay mach tzcham 'a yojl smantiado: Smasnil eb' 'ayc' 'a yojl jun mantiado cha, yet' eb' tzat 'och 'a yojol, man̈ wach'c tz'ajcn eb' 'a uque c'ual.

Nm 19:19

A junc mach wach' yaj cha, a tzicn 'och a a chi 'a jun man̈ wach'c yaj cha, 'a schab'jial tzicx 'och a 'a 'a, ax 'a yucl c'u cha, ax sb'ox can 'el'chi. A junc 'anma man̈ wach'c yaj cha, tzju'l spichul, tz'achn paxi, sec tzb'oxcan yuj a a cha. Palta man̈ wach'oc masnto yic tzq'uic'b'i.

Ez 44:26

Tzlajw cha, tzsacb'tzan pax sb'a yujto tzyam jun chamnc cha, yowlal tztan̈wj yec' uque'oc c'u,

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

Lv 22:4

May cab' junc eb' yin̈tl Aarón 'aych lepra 'a sniwnal, mto tztob' yin̈tl 'a swincal, tzc'uxn tas to wic yaji, palta masnto tzb'ox sc'ojol, 'ixta to b'i'an, tztac' sc'uxni. Toto 'ay mach tzyamn junc tas man̈ wach'oc, yuj junc chamnc 'anma', mto tzyam junc mach tztob' yin̈tl 'a swincal,

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.