Nm 18:11 - Chuj San Sebastian Bible

¹¹ Tzwa'n jun tzo'n̈ xo tic 'aych yet' eb' onnal, eb' esil yet' 'a smasnil eb' 'ayc' et'oc, atn jun tzo'n̈ ofrenda tzya'ch eb' israel 'a wojltac. A jun tic ley tz'ajcn 'ayx 'a smasnil tiempo. Tzann̈j junc ecan 'ayc' et'oc, cojn toto wach' yaj 'icha yaln ley, tztac' sc'uxn eb' jun tzo'n̈ xajmb'al cha.

Chuj San Mateo Bible

¹¹ Svac'pax d'ayach yed' d'a ix etb'eyum yed' d'a eb' uninal juntzan̈ ofrenda syic'cot eb' etisraelal d'ayin, aton juntzan̈ sb'achchajoch d'a vichan̈. A jun ley tic scan d'a masanil tiempo, yaln̈ej mach eb' ayec' cajan eyed'oc to vach' yaj icha yalan ley, syaln̈ej schi'an eb'.

Nm 18:11 Referans Kwoze

Dt 18:3

A eb' ya'mal 'och sti eb' 'anma', a tas smacl eb' yaji a chi tz'ijx can 'el 'a no wacax, yet' 'a no calnelu tz'ajx yuj eb' 'anma xajmb'alil. A jun tzo'n̈ tz'elcn cha, atn tic: no squelab', no yaln̈ sti', yet' no stzucutz.

Lv 10:14

A no xepu tzeyac' tz'a'oc, junn̈j tzeyutj eyi'n 'och no yet' no sn̈i sc'ojl tzb'achx 'och 'a yojltac Jehová cha, yet' no xub'. A no sn̈i sc'ojol yet' no xub' cha, eyic yaj no'. Ata tza chi no yet' eb' onnal yet' eb' esl 'a junc lugar to wach' yaji, yujto a jun tzo'n̈ cha, eyic yaj 'a no xajmb'al yic junc'ojlal tzyac' smasnil eb' israel. A chac'aj no chib'j cha, ec yaj no 'a smasnil tiempo yet' eb' onnal, 'icha 'ix yutj Jehová yaln 'ayin, xchi Moisés cha.

Nm 18:8

'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

Lv 7:14

Tz'ijx 'el junc pan 'a junjn c'ajoc, tzlajw cha, tz'ajx 'och 'a wojltac yuj win ya'mal 'och sti eb' 'anma cha, atn win tzicn 'och schic'l no noc' chi 'a jun yet'l xajmb'al cha.

Nm 18:1

'Ix yaln Jehová 'a Aarón 'ixtic: Ach tic yet' eb' onnal, yet' pax smasnil eb' yin̈tl Leví, eb' 'aj locn ach 'a en̈til, toto 'ay mach tz'och smul 'a in cajnub', yuj jun mul cha, 'oj jawc yailal 'a eb'n̈ yet' eb' onnal, yujto tz'och e mul 'a eyopiso, to ya'mal 'och sti eb' 'anma eyaji.

Nm 18:10

Smasnil eb' winc 'a e cal, tztac' schin eb' no xajmb'al cha, palta ata tzchi eb' 'a jun lugar to wic yaji, yujto an 'ay wic jun tzo'n̈ cha.

Nm 18:19

Smasnil ofrenda tzyac' eb' eyit chon̈b' wico'oc an Jehová in, an tzwac' pax 'ayach, 'a eb' onnal, 'a eb' esil yet' 'a smasnil eb' 'ayc' et'oc. A jun tic ley tz'ajcn 'ayx 'a smasnil tiempo. A jun trato tic, may tz'aj sjelmj 'a jun 'ejmn̈ej, yujto an tzin b'o et'oc yet' pax 'a smasnil en̈til, xchi Dios.