Nm 17:8 - Chuj San Sebastian Bible

⁸ Ax 'a yic junx c'u, 'ix c'ochx 'a yol Mantiado cha, 'ix yilni to a te sc'occh Aarón, te yic eb' yin̈tl Leví to 'ayx swol te', 'ayx snich, 'ayx pax sat, caw 'e'm xo te almendro cha.

Chuj San Mateo Bible

⁸ Axo d'a junxo q'uin̈ib'alil ix c'och vin̈ ta', ix yilanoch te' sc'ococh vin̈aj Aarón chi' vin̈ d'a yic yin̈tilal Leví, toxo ix elta svol te', ayxo xumaquil yed' pax sat, q'uin̈xo te' almendro chi'.

Nm 17:8 Referans Kwoze

Ez 17:24

Ax smasnil te niwc te', 'oj yojcoc 'el eb' te', to an ton Jehová in. An tzwac' ch'acxoc 'el te niwquil te cha, ax te tzapn ste'il, a te tzwac' q'uib'oc. An tzwac' tacjoc eb' te', an pax tzwac' yaxb'oc te wan stacji. An tzwal jun tzo'n̈ tic, to 'oj wac' 'el'choc, xchi Dios.

Nm 17:5

'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Ez 19:14

A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Gn 40:10

'ay 'oxe sc'ab' te'. Xwil yelt swol, xya'n snich, ax snich te cha, x'och uvail, yajn̈ej 'ix 'e'maxi.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Ez 19:12

Palta 'ix to'x chan̈ te yuj yowl sc'ojl Dios. 'Ix sma'n wecchjoc sb'a te yem 'a sat lu'um. Ax jun 'ic' xcot 'a stojlal 'aj tzq'uel c'u, a 'ix ma'n tacjoc, 'ix pucl te sat. A eb' te sc'ab' cha, 'ix tacj eb' te', xlajw cha, 'ix 'ajx tz'a eb' te'.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Nm 17:9

Yuj cha, 'ix yi'n 'elt Moisés smasnil eb' te c'occh chi 'aych 'a yojltac Jehová, 'ix sch'oxn yil smasnil eb' 'anma', xlajw yiln eb' te', junjn eb' yajl yaj cha, xlaj schan pax eb' sc'occh cha.