Nm 16:47 - Chuj San Sebastian Bible

⁴⁷ Ax Aarón 'ix syiclj tas xyal Moisés, carela x'at 'a 'aj yamn eb' chon̈b' cha. Ax jun yab'il xyac' cot Jehová, wan xo laj scham 'anma chi yu'uj. Yuj cha, 'ix ya'n 'och Aarón sc'a'l incienso yic tzc'ann niwnc'ojlal 'a Dios yuj smul eb' chon̈b' cha.

Chuj San Mateo Bible

⁴⁷ Ix sc'anab'ajan vin̈aj Aarón chi', elan̈chamel ix b'at lemnaj vin̈ d'a scal eb' anima b'aj ayec' molan chi'. A yuj jun ilya ix yac'cot Jehová chi' toxo ix yamchajoch scham anima. D'a val jun rato chi', ix yac'anem incienso vin̈ yic tz'ac'ji nivanc'olal eb' anima chi' yuj Jehová.

Nm 16:47 Referans Kwoze

Ro 12:21

Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Salmos 106:29

'Ix stzuntzj cot eb' yowl a c'ojl ach Jehová qui Diosal on̈, yuj tas xlaj sb'o eb' cha. 'Ix jaw wal jun niwquil yab'il 'a scal eb', xlaj cham eb' yu'uj.

Nm 16:46

'Ix yaln Moisés 'a Aarón 'ixtic: —'Ij cot a tz'ab'c'ac', tza'n 'ejm stzac'ac' yic yet'l xajmb'al 'a yojol, tza'n q'ue incienso 'a yib'an̈. Tzlajw cha, tzach 'at mu'c 'a scal eb' 'anma cha, tza c'ann niwnc'ojlal 'a Dios yuj smul eb', yujto tox 'ix cot yowl Jehová 'a yib'n̈ eb', tox 'ix ya' cot jun yab'il to tzcham eb' 'anma smasnil yu'uj, xchi.

Nm 16:48

Yajn̈j wal cha, xya'n 'och 'a scal eb' chamnc xo cha, yet' 'a scal eb' pitznto, cojn cha, 'ix 'och wan eb' 'anma chi schami.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.