Nm 16:38 - Chuj San Sebastian Bible

³⁸ A jun tzo'n̈ stz'ab'c'ac' eb' 'anma chi xcan cha, atn eb' xcham yuj smul x'ochi, wic tz'ajcn jun tzo'n̈ cha, yujto xc'anx eb' yet' incienso x'ajx 'och 'a wojltac an Jehová in. Tzac' b'o jun tzo'n̈ q'uen chi laminail, tz'och eb' yen̈loc yet'l xajmb'al, sec wach' tz'och jun tic cuynb'ilal 'a eb' eyit israelal, xchi Dios 'a Moisés.

Chuj San Mateo Bible

³⁸ A schaynub' yic incienso juntzan̈ anima ix cham yuj smul tic, vicxo ix ajcani, yujto ix c'anchaji a ix yac'an incienso eb' d'ayin. Yuj chi', a juntzan̈ yamc'ab' chi' tze b'ooch d'a laminail yic tz'och smusiloc altar, yic vach' ayic syilanoch eb' israel, snaancot eb' tas ix aj scham eb' yuj schucal, xchi Jehová.

Nm 16:38 Referans Kwoze

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

Ez 14:8

An tzwala to 'oj woch 'ajc'ojlal 'a 'a, ax wa'n 'och ch'oxnb'ilal 'a scal 'anma', ax wi'n 'el 'a scal eb' in chon̈ab', 'ixta to b'i'an, ax in eyojcan 'eli, to an Jehová in, to cojn in ton Dios in.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Nm 26:10

Palta 'ix sjac lum lum sti', 'ix sb'u'n 'ejm lum eb' chawn̈ chi yet' pax Coré. Smasnil eb' x'och tza'n yuj Coré cha, 'ix cham eb'. 250 sb'isl eb' winc 'ix cham yuj c'ac'. A jun cha, 'ix 'och ch'oxnb'ilal 'a eb' israel smasnil.

Habacuc 2:10

'Ixta wal xeyutj eyi'n cot q'uixwelal 'a eyib'n̈ yet' e chon̈ab'. Mun ax 'ix eyij cot chaml 'a eyib'an̈, yujto til wal jun tzo'n̈ nacion̈ xlaj e satli.

A Ch'an̈ B'ab'el Libro Yic Yab'ixal Eb' Rey 2:23

A yic xlajw yaln rey Salomón jun tzo'n̈ cha, 'ix ya'n sti 'a yojltac Jehová 'ixtic: Ya' cab' Dios in yailal caw ow, toto matz cham Adonías yuj tas tzc'an tic.

Nm 17:10

Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Pr 1:18

palta ax jun tzo'n̈ 'anma 'ixta tz'el sb'on cha, mun a eb' tzyalej sb'a, mun a eb' tzmil cham pax sb'a.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 16:37

Al 'a Eleazar, win yunnal Aarón ya'mal 'och sti eb' 'anma 'ayin, yi' cab' 'elt jun tzo'n̈ tz'ab'c'ac' bronce 'a scal jun tzo'n̈ stz'a cha, ax stzac'ac' 'ay 'ejm 'a yojol, najt tz'at secxoc can 'eli.

Nm 16:39

Ax Eleazar, 'ix si'n syam sb'a jun tzo'n̈ tz'ab'c'ac' nab'a bronce cha, atn jun tzo'n̈ yic eb' 'anma xchami, jun tzo'n̈ x'ajx tz'a'oc. 'Ix yalni to tz'ajx b'o laminail, sec tz'och yen̈loc yet'l xajmb'al.

Jeremías 44:7

Yuj cha, an Jehová in, tztac' wuj smasnil, e Diosal in, an tzwala: ¿Tas yuj tzeyij cot jun niwquil yailal chi 'a eyib'n̈ ticnec? ¿Tas yuj tzcham smasnil 'anma 'a yol yic Judá eyuj ticnec? Tzcham eb' winac, eb' 'ix 'ix, eb' 'unin, an̈jtona yet' eb' tzat 'alji, tzyal 'el'chi, man̈x 'a junc mach 'oj can 'a spitznal.