Nm 16:35 - Chuj San Sebastian Bible

³⁵ An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Chuj San Mateo Bible

³⁵ An̈eja' ix yac'paxcot c'ac' Jehová yic ix tz'apaxb'at eb' 250 ix n̈usan incienso, aton eb' ix yac'och sb'a yed' vin̈aj Coré, vin̈aj Datán yed' vin̈aj Abiram chi'.

Nm 16:35 Referans Kwoze

Nm 26:10

Palta 'ix sjac lum lum sti', 'ix sb'u'n 'ejm lum eb' chawn̈ chi yet' pax Coré. Smasnil eb' x'och tza'n yuj Coré cha, 'ix cham eb'. 250 sb'isl eb' winc 'ix cham yuj c'ac'. A jun cha, 'ix 'och ch'oxnb'ilal 'a eb' israel smasnil.

Lv 10:2

Yuj cha, x'elt c'ac' 'a yojltac Jehová, 'ix tz'a eb' yu'uj, 'ixta x'aj eb' scham 'a yojltac.

Salmos 106:18

'Ix 'a'n q'ue wan n̈ilnjoc jun c'ac' 'a scal eb', ax jun c'ac' chi xn̈usn eb' maysch'olnil snab'en cha.

Nm 16:17

Junjn mach tzyij 'at stz'ab'c'ac', tzeya'n 'ejm incienso 'a yojol. Ach tic yet' Aarón, junn̈j tzeyutj 'och e tz'ab'c'ac' chi 'a yojltac Jehová, yet' pax yic eb' 250 cha, xchi.

Nm 16:2

'Ix 'och eb' 'ajc'ojlal 'a Moisés. 'Ay junx 250 eb' yit israelal eb' 'aych yopiso 'a scal eb' chon̈b' cha, locn eb' tzaln yuj junc tas 'a scal eb' chon̈ab', palta 'ix ya'ch sb'a eb' yet' win Coré cha.

Apoc 11:5

Toto 'ay mach tznib'n 'ixtnoc eb' chawn̈ cha, 'oj 'eltoc c'ac' 'a sti eb'. Ax eb' 'ajc'ojl 'oj 'ajch 'a eb' cha, 'oj tz'a eb' yuj 'a jun 'ejmn̈ej. 'Ixta 'oj 'aj scham jantcn̈ej eb' tznib'n 'ixtnoc eb'.

Nm 16:34

A yic xyab'n eb' chon̈b' chi yel yaw eb' 'anma cha, 'ix 'at eb' 'eloc, xyaln eb' 'ixtic: Comnoc matz on̈ sb'u'c 'ejm lum jun xo, xchi eb'.

Nm 16:36

Yuj cha, xyaln Jehová 'ixtc 'a Moisés:

Nm 16:49

Wal 'a muc'uc, xcham chan̈lajn̈e mil yet' uque ciente eb' 'anma cha, chuc pax yaj eb' xcham yet' Coré yic 'ix 'och eb' 'ajc'ojlal 'a Moisés yet' 'a Aarón.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Ez 8:11

A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.

Nm 3:4

Palta a Nadab yet' Abihú, 'ix cham eb' 'a yojltac Jehová 'a lum cusltac lum yic Sinaí, yujn̈ej to xya'ch eb' jun c'ac' chuc yel 'a yojltac Jehová, mant 'a xon yunnal eb'. Yuj cha, cojxn Eleazar yet' Itamar 'ix 'och ya'malc 'och sti eb' 'anma 'a Dios 'a yaln̈ schecnb'il Aarón, atn smam eb'.