Nm 15:39 - Chuj San Sebastian Bible

³⁹ sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Chuj San Mateo Bible

³⁹ Ayic ol eyilanoch juntzan̈ yelvanub' chi', ol e naancot masanil checnab'il ix vala' to yovalil tze c'anab'ajej, yic vach' man̈ ol ex cuchb'ajb'at d'a juntzan̈ tas malaj svach'il yuj e pensar, ma yuj tas e gana d'a yol eyico'.

Nm 15:39 Referans Kwoze

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Job 31:7

Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Dt 8:11

Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

A Ch'an̈ B'ab'el Libro Yic Yab'ixal Eb' Rey 12:33

Xlajw cha, 'ix 'at Jeroboam 'a 'aj b'ob'il jun yet'l xajmb'al yuj 'a chon̈b' Betel, 'a yic olajn̈e yoch yic swajxquil 'uj cha, atn jun 'uj chi mun sna 'a yol yico'. 'Ix snan jun q'uin̈ yic eb' israel, xlajw cha, 'ix 'at 'a 'aj 'ayc' jun yet'l xajmb'al yic tzya'n tz'a incienso 'a yib'an̈.