Nm 15:30 - Chuj San Sebastian Bible

³⁰ Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Chuj San Mateo Bible

³⁰ Palta tato ay mach tz'och smul to sc'an sc'ool, vach'chom eyetchon̈ab', ma junoc ch'oc chon̈ab'il, a d'ayin Jehová in tic tz'och smul yuj spitalil. Yuj chi' man̈xaocab' yalan yic jun anima chi' d'a e cal.

Nm 15:30 Referans Kwoze

A Ch'an̈ Carta D'a Eb' Hebreo 10:26

A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec.

Salmos 19:13

Man̈ in a cha wa'ch in b'a 'a scal maysch'olnil, man̈ in a cha 'ajxoc mandar yu'uj, sec matz 'och in mul 'ayach. Toto 'ixta', may in paltail 'a a sat.

Dt 1:43

'Ix wal jun tzo'n̈ chi eyab'i', palta ax xo tic, ma'ix e chaj eyab' 'ayin. 'Ix e ten tas xyal Jehová 'ayex, ex 'ec' 'a yib'an̈, ex 'at 'a eb' lum jolmctac witz cha.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Mt 12:32

Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

A Schab'il Carta San Pedro 2:10

'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

Salmos 89:51

An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.

Salmos 79:12

Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Salmos 74:22

Ach qui Diosal on̈, col eb' ec xo yaji. Na coti chajtlto a eb' tu snab'en, caw tzach stzuntzjn̈ej eb'.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Gn 17:14

Tzann̈j wincal to may jun yechl chi 'aych 'a 'a, yowlal tzeyij 'el 'a e cal, yujto matz yiclj jun in trato 'ix wac' eyet'oc, xchi Dios.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

Nm 15:29

Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.

Job 38:15

A sacq'uinl chi tzyamn 'och wan eb' maysch'olnil snab'en, yuj cha, man̈x 'a tas tztac' yuj eb'.

Ez 20:27

Ach 'anma', al yab' eb' et israelal cha, to an Jehová Yajl in, an tzwal 'ixtc 'a eb': A eb' e mam eyicham, stzuntzjnac cot eb' wowal, yujto caw wal tenmtac eb' 'a jun tzo'n̈ tic.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

A Ch'an̈ B'ab'el Libro Samuel 3:14

Yuj wal cha, 'ix wa'n in ti', to a eb' yin̈tl Elí, may xon wal b'a'n̈ tztup smul eb' chi yuj junc no xajmb'al mto yuj nan̈loc ofrenda tzyac' eb', xchi Dios.