Nm 15:15 - Chuj San Sebastian Bible

¹⁵ A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Chuj San Mateo Bible

¹⁵ A jun ley chi' tz'och yopisio eyuuj yed' eb' ch'oc chon̈ab'il ayec' cajan eyed' chi'. A jun ley chi' ol b'eyn̈ejb'at d'a e cal d'a masanil tiempo. A ex tic yed' eb' ch'oc chon̈ab'il, lajan eyelc'och d'a yol in sat a in Jehová in tic.

Nm 15:15 Referans Kwoze

Nm 15:29

Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Nm 9:14

Toto 'ay eb' chuc chon̈b'al cajn 'ec' 'a e cal, tznib'j eb' tzna jun q'uin̈ chi eyet'oc, yic tzyi'n chan̈ eb' in b'i, yowlal tzyiclj eb' sleyl 'icha 'ix wutj walni. 'Icha wal sleyl 'ix wac' eyicloc, a pax tzyiclj eb' chuc chon̈b'al 'ayc' 'a e cal, xchi Dios.

Ex 12:49

A jun ley tic, yowlal tzyiclj smasnil eb' 'anma tz'alj 'a e cal, yet' eb' chuc chon̈b'al tzjaw cajn 'a e cal, xchi Dios.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

A Ch'an̈ B'ab'el Libro Samuel 30:25

(At xo can 'a yic jun tiempoal cha, 'ix 'ochcn jun tic leyl 'a scal eb' israel.)

Nm 10:8

A mach 'oj 'utz'nc q'uen trompeta cha, atn eb' ya'mal 'och sti eb' 'anma', eb' yin̈tl Aarón. A jun tic ley tz'ajcn 'ayx 'a smasnil tiempo.

Lv 24:22

A jun ley tic, a 'oj 'och yopiso 'a eb' chuc chon̈b'al cajn 'a e cal. An Jehová in, an tzwala, xchi Dios.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ex 12:24

A jun checnb'il tic 'oj eyiclcn̈ej, ax syiclni pax eb' eyin̈tl b'aq'uin̈. 'Icha junc ley may slajub', 'ixta tz'ajcn jun tic 'ayex.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

Nm 18:8

'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

Nm 15:14

Toto a junc chuc chon̈b'al ton̈j tz'ec' 'a e cal, mto cajn 'ec' eyet' jun, toto tznib'j tzyac' junc xajmb'al 'ayn an Jehová in, ya' cab' tz'a'oc, yujto wach' sjab' tzwab'i, palta yowlal tzyiclj in ley tzeyiclj ax tic.

Ex 28:43

Yowlal tzya'ch Aarón jun tzo'n̈ pichl chi yet' eb' yunnal yic tz'ochch eb' 'a yol in cajnub' 'aj tzin chaj in b'a eyet'oc. Yowlal 'aych yuj eb' yic tz'ochch eb' 'a stz'ey yet'l xajmb'al yic tzyiln eb' yopiso, sec wach' ma'oj 'och smul eb', ma'oj comn cham eb'. A jun tic, ley tz'ajcn 'a Aarón yet' 'a eb' yin̈tl b'aq'uin̈, xchi Dios 'a Moisés.

Josué 8:33

Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.

Ester 9:27

a chi 'ix sb'eylb'ej eb' israel chi yet' yin̈til, yet' pax smasnil eb' tzya'ch sb'a israelal yet' eb'. Yowlal tzna eb' chab' c'u q'uin̈ chi 'a junjn ab'il, 'icha 'ix 'aj yalxcani.