Nm 14:5 - Chuj San Sebastian Bible

⁵ Yuj cha, 'ix 'em n̈ojn Moisés yet' Aarón 'a sat lum 'a yojltac eb' chon̈b' cha.

Chuj San Mateo Bible

⁵ Yuj chi' ix em n̈ojan vin̈aj Moisés yed' vin̈aj Aarón d'a sat lum d'a yichan̈ eb' anima chi' smasanil.

Nm 14:5 Referans Kwoze

Nm 16:4

A yic 'ix yab'n Moisés jun tzo'n̈ paxti cha, 'ix 'em n̈ojan, masnto squil 'ejm snan̈l sat 'a sat lu'um.

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

Ez 9:8

A yic wan smilwj eb' cha, ax xwilni in ch'ocxoj lin̈n in can 'a yojltac Jehová, yuj cha, in 'em n̈ojnjoc 'a sat lu'um, 'ix 'el waw, xwaln 'ixtic: Mamin Jehová, ¿tom 'oj a wach' satc 'el jaywn̈ xo eb' wit israelal tic yuj yowl a c'ojl 'a yib'n̈ Jerusalén tic? xin chi 'a 'a.

1 Cr 21:16

A yic 'ix q'ue q'ueln David, 'ix yilni to 'ayc' jun ángel chi 'a snan̈l satcha'an̈ yet' lum lum tic, yamb'il chan̈ jun espada yu'uj, wan stojlb'tzan 'at 'a Jerusalén. Yuj cha, 'ix 'em n̈ojn yet' eb' yichm wincal chon̈ab', masnto squil 'ejm eb' snan̈l sat 'a sat lu'um, 'aych te pichl n̈achtac sat yic tzch'oxn 'el eb' scusc'ojlal.

Josué 5:14

Ax jun winc cha, 'ix ta'w 'a Josué 'ixtic: —Ma'ay, an tic tzin jaw in jucb'tzoc eb' soldado Jehová, xchi. A yic xyab'n Josué to 'ixta yaj jun winc cha, 'ix 'em n̈ojnjoc 'a sat lu'um, 'ix yaln 'ixtc 'a 'a: —¿Mamin, tas tza nib'j tzin b'o an a checb' in tic? xchi.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Gn 17:3

Yuj cha, x'em n̈ojn Abram 'a sat lu'um, ya' sb'a tzpaxtin Dios 'a 'a, 'ix syamn 'och Dios yaln 'ixtic:

Apoc 7:11

Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.

Apoc 5:14

Ax eb' querubín schan̈wn̈il, 'ix yaln eb' 'ixtic: —B'o cab' 'ixta', xchi eb'. Ax eb' 24 'ichm winc cha, 'ix 'em cumn eb', 'ix yaln sb'a eb' ['a jun 'ayc' 'a jun 'ejmn̈ej.]

Apoc 4:10

ax eb' 24 'ichmtac winc cha, tz'em cumn eb' 'a yojltac. Tzya'n 'ejm sb'a eb' 'a jun 'ayc' 'a jun 'ejmn̈ej. Tzpachn 'ejm eb' scorona 'a yojltac sdespacho. Tzyaln eb' 'ixtic:

Mt 26:39

Xlajw cha, 'ix 'at jab'xo, 'ix 'em lachn 'a sat lu'um, 'ix leslwi 'ixtic: Mamin, 'ij 'ec' jun yailal tic 'a wib'an̈, toto tztac' tza na'a; palta man̈ 'ichaoc tzin nib'j an tic, 'icha cab' tas tza nib'ej, xchi.

Dn 10:9

A wal yic xwab'n sq'ue yaw spaxtin cha, in sicb'eli, caw sat in c'ojol, in 'em n̈ojnjoc 'a sat lu'um.

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

Josué 7:10

'Ix ta'w Jehová 'ix yaln 'ixtic: Lem, q'uen̈ wa'an, ¿tas tza b'o 'ejm lachn 'a sat lum cha?

Nm 14:6

Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

Nm 20:6

A yic xyab'n Moisés jun tzo'n̈ paxti chi yet' Aarón, 'ix yi'n 'el sb'a eb' 'a stz'ey eb' chon̈b' cha, axta 'ix c'och eb' 'a yol Mantiado 'aj tzchaj sb'a Dios yet' eb' 'anma'. Ata 'ix 'em n̈ojn eb' 'a yojltac Jehová, masnto squil 'ejm eb' snan̈l sat 'a lu'um. Yajn̈j wal cha, 'ix sch'oxn sb'a stzictznil Jehová 'a eb'.

Nm 17:10

Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.