Nm 14:43 - Chuj San Sebastian Bible

⁴³ Macb'il e c'och yuj eb' amalecita yet' eb' cananeo 'a jun tzo'n̈ lugar cha, sec tzyac' eb' owl eyet'oc, ax ex smiln eb'. Yujto ax tic, xeyij 'el e nab'en 'a Jehová, yuj cha, ma'oj colwjoc eyet'oc, xchi.

Chuj San Mateo Bible

⁴³ Maclab'ilexxo yuj eb' amalecita yed' eb' cananeo, to ol yac' oval eb' eyed'oc. Ol ex smilcham eb' yujto ix eyiq'uel e pensar d'a Jehová, yuj chi' man̈xo ayocochlaj eyed'oc, xchi vin̈aj Moisés chi'.

Nm 14:43 Referans Kwoze

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Nm 14:25

A eb' amalecita yet' eb' cananeo, ata cajn eb' 'a lum pan̈quixtac 'a la'n tic. Yuj cha, ax xo tic, a q'uic'an chucx b'e 'aj tzex 'ati; tzex meltzj 'a lum cusltac lu'um, a 'a stojlal a Chac Mar ata tzex 'ati, xchi Dios.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Jueces 16:20

'Ix 'el yaw 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. Yajn̈j cha, 'ix 'el swayn̈ Sansón. A yalni to 'oj stac' to scoln sb'a, 'icha 'a junjn 'ejem. Palta man̈ yojcoc toto tox 'ix 'actx can yuj Jehová.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Nm 14:42

Man̈ ex 'atoc, yujto a Jehová man̈ 'ayc 'och eyet'oc. A eb' 'ajc'ojl cha, 'oj ex yac' ganar eb'.

Nm 14:44

Caw ma'ix schaj eb' yab'i', 'ix yi'n 'at sb'a eb' 'a lum jolmctac witz cha. Palta ax te scaxail strato Jehová yet' Moisés, ma'ix 'elt xon 'a yojl camplamento cha.

Josué 7:12

Yuj cha, matz tac' ste'wtzan sb'a eb' 'a yojltac eb' 'ajc'ojl cha. To smoj wal satl eb', 'oj 'atx eb' 'elc yuj eb' 'ajc'ojl cha. Toto ma'oj e satl jun tzo'n̈ chi 'a e cal, atn jun tzo'n̈ xwal to yowlal tzsatx 'eli, 'oj wi'l in b'a 'a e cal, man̈x 'oj in colwj eyet'oc.

Josué 22:15

Smasnil jun tzo'n̈ eb' tic, x'at eb' 'a Galaad, 'a 'aj 'ayc' eb' meltzjnacx cha, xyaln eb' 'a eb' 'ixtic:

Salmos 44:10

Ach on̈ ac' 'at 'elc 'a eb' 'ajc'ojl yajch 'ayn̈ on̈. Ax eb' tzchichn 'och 'ayn̈ on̈, tzlaj yelc' eb' tas 'ay 'ayn̈ on̈.