Nm 14:34 - Chuj San Sebastian Bible

³⁴ Yujto chawinc c'u xit' eyil 'elt lum lum cha, yuj cha, chawinc ab'il 'oj 'och yailal 'a eyib'an̈. Tzyal 'el'chi, junjn ab'il 'a junjn c'u, sec 'oj eyojcoc 'eli, to 'ay smay e meltzj 'och 'ayin.

Chuj San Mateo Bible

³⁴ D'a 40 c'ual ix eyila' tas yilji lum xid' eyil chi', yuj chi' 40 ab'il ol och yaelal d'a eyib'an̈, syalelc'ochi junjun ab'il d'a junjun c'u. Icha chi' ol aj eyojtaccaneli to svac' syaelal eb' tz'och ajc'olal d'ayin.

Nm 14:34 Referans Kwoze

Ez 4:6

A yic 'oj tz'acwc stiempoal jun chi o'oj, ax e'x t'ocn 'a a wach' c'ab', yuj smul eb' yin̈tl Judá. Chawinc c'u 'oj a canx t'ocn ta', tzyal 'el'chi junjn c'u 'a junjn ab'il.

Nm 13:25

Chawinc c'u 'ix smaclj eb' yil lum lum cha, 'ixta to b'i'an, 'ix meltzj eb'.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Zacarías 11:10

Xlajw cha, xwi'n chan̈ te in c'occh tzcuch Wach'c'ojlal cha, xin wecchtan te', atn jun tic ch'oxnb'il x'aji chajtlto 'ix lajw strato Jehová yet' smasnil nacion̈.

Ez 14:10

A junc 'anma tzc'anb'j sb'a cha, yet' junc tzyalch sb'a in checb'oc, 'oj wa'ch syailal eb' yuj smul cha,

Salmos 105:42

yujto sna cot sti yaljnac can 'a jun schecab', atn Abraham.

Salmos 77:8

¿Tom wal 'ix lajw c'och schamc'ojlal 'ayon̈? ¿Tom 'ix lajw can c'och 'aj ya'jnac sti 'a jun 'ejmn̈ej?

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

A Ch'an̈ B'ab'el Libro Yic Yab'ixal Eb' Rey 8:56

¡Alx cab' wach' paxti 'a Jehová, yujto xyac' junc'ojlal 'ayn̈ec, 'icha wal yaj yaln cani! Smasnil jun tzo'n̈ tas yaljnac can 'a Moisés, atn jun schecab', caw x'el'ch smasnil, may junc ma'ix 'el'chi.

Nm 18:23

Yuj cha, cojn eb' levita 'ay yaln yic 'a in munljel tzb'o 'a yojol. Toto 'oj 'och spaltail eb' 'a in munljel, mun 'oj jawc yailal 'a yib'n̈ eb'. A jun tic ley tz'ajcn 'a smasnil tiempo 'a eb' levita, yujto may yaln eb' yic 'a slum eb' yit israelal.

Lv 20:19

May cab' mach tzb'on 'ajmulal yet' yanb' smam, mto snul'j snun, yujto tzyij 'el sq'uixwel mach yican to sb'a yet'oc, tzcann̈j smul eb' chi 'a yib'n̈ schawn̈il.

A Tas Sc'ulejnac Eb' Schecab' Jesús Hechos 13:18

Chawinc ab'il 'e'nc eb' 'a lum cusltac lu'um. Ax Dios, ya'jnac techjoc sb'eyb'al eb' ta'.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Ez 4:5

'Icha sb'isl yab'lil xo smul eb', 'ixta sc'ul 'oj ab' syal yuj eb' spojjnac 'el sb'a 'a Judá, 390 c'u 'oj ab' syail, tzyal 'el'chi, junjn c'u 'a junjn ab'il.

Nm 32:13

Yuj cha, xcot yowl sc'ojl Jehová 'a quib'n̈ec, chawinc ab'il on̈ oyyec 'ec' 'a lum cusltac lum yu'uj, masnto 'ix satl eb' 'anma chi smasnil, man̈x 'a xon junc eb' xcani, yujto ma'ix syiclj eb' tas xyal Jehová.

Josué 14:10

A jun tic, 'ayx 45 ab'il yaln can 'ayn yuj Jehová, 'a yic 'ayn̈ec 'ec' 'a lum cusltac lu'um. Yujn̈ej jun alb'il can cha, yuj cha, pitzn in to ticnec. Ax ticnec, 'ayx 85 ab'il in q'uinal.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.