Nm 14:33 - Chuj San Sebastian Bible

³³ Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Chuj San Mateo Bible

³³ A eb' eyuninal tic, 40 ab'il ol ec' eb' tan̈voj calnel d'a tz'inan luum tic, icha chi' ol aj stupanel e mul chi' eb', aton b'aj ix in e patiquejel chi', masanto ol ex chamcan d'a tic e masanil.

Nm 14:33 Referans Kwoze

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Nm 32:13

Yuj cha, xcot yowl sc'ojl Jehová 'a quib'n̈ec, chawinc ab'il on̈ oyyec 'ec' 'a lum cusltac lum yu'uj, masnto 'ix satl eb' 'anma chi smasnil, man̈x 'a xon junc eb' xcani, yujto ma'ix syiclj eb' tas xyal Jehová.

Salmos 107:40

A 'a Dios may yel'ch eb' 'ajc'ojl niwc winc tzyutj sb'a, a tz'a'n satc' eb' 'a lum cusltac lu'um. Matz 'ilchj xon sb'e eb' 'aj tz'ati.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Salmos 107:4

'Ay eb' quit chon̈b'ec xlaj satc' 'a lum cusltac lum sch'ocoj, ma'ix 'ilchj sb'e eb' 'aj xlaj 'ati, yic tzc'och cajn eb' 'a junc chon̈ab'.

Josué 14:10

A jun tic, 'ayx 45 ab'il yaln can 'ayn yuj Jehová, 'a yic 'ayn̈ec 'ec' 'a lum cusltac lu'um. Yujn̈ej jun alb'il can cha, yuj cha, pitzn in to ticnec. Ax ticnec, 'ayx 85 ab'il in q'uinal.

Dt 1:3

A yic 'ayx 'och 'a schawinc ab'il yelt eb' israel 'a Egipto, 'a b'ab'l c'u yoch yuxlchil 'uj, ata syamch Moisés yaln 'a eb' chon̈ab' tas tzyutj Jehová yaln 'a yib'n̈ eb'.

Nm 33:38

Yujto a Jehová 'ix alni, yuj cha, 'ix 'at Aarón 'a sjolm lum witz Hor, axta 'ix chamcni, 'a b'ab'l c'u yic yol 'uj schan 'el yich schawinquil ab'il yelt eb' israel 'a Egipto.

Nm 5:31

May yailal 'oj jawc 'a yib'n̈ win yichmil 'ix cha; palta toto a 'ix 'ix chi 'ay smul, mun a 'a yib'n̈ 'ix 'oj jawc yailal, xchi Dios.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Dt 8:4

A qui pichl 'aych cujec 'a jun chawinc ab'il cha, ma'ix lajw xoni, ma'ix tzajlj pax coc qui b'eyi.

Dt 29:5

Chawinc ab'il ex wij b'ey 'a lum cusltac lu'um, palta ma'ix lajw 'el e pichul yet' pax e xan̈ab'.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

Salmos 78:33

Yujn̈ej wal cha, 'ix satn 'el Dios eb', 'icha wal yic tzqui'n quic', 'ixta x'aj eb' satl 'a scal xiwc'ojlal.