Nm 14:14 - Chuj San Sebastian Bible

¹⁴ Caw wal 'oj yal eb' a peclal 'a eb' 'anma 'ay 'a lum Canaán. An̈jtona eb' cha, 'ix yab' pax eb' yab'xil, to ach Jehová ach, 'aych 'ec' 'a qui cal on̈. Q'uelc'mb'a tzach 'aj a paxtin quet' on̈. Ax jun 'asn eco', a 'ayc' 'a quib'n̈ on̈. A 'a c'ual b'ab'l a 'at cuj 'a scal jun 'asn cha, ax 'a 'ac'wal, 'aych 'och 'a scal jun c'ac' b'ab'l s'at cuj on̈.

Chuj San Mateo Bible

¹⁴ ol yalan a pecal eb' d'a eb' anima ay d'a yol yic Canaán. A eb' chi', ix yab'pax eb' to a ach Jehová ach tic, ayach ec' d'a co cal, q'uelc'umb'a tzach aj qued'oc tzach loloni. Ayachn̈ej ec' d'a scal jun asun ayec' d'a quib'an̈. D'a c'ualil ayachoch d'a scal jun nivan topan̈ asun chi', tzach b'eyn̈ej d'a quichan̈. Axo d'ac'valil, d'a scal jun nivan c'ac' ayachochi, tzach b'eyn̈ej d'a quichan̈ a on̈ a chon̈ab' on̈ tic. Masanil juntzan̈ tic ix yab' specal eb' aj Canaán chi',

Nm 14:14 Referans Kwoze

Ex 15:14

A yic 'oj yab'nc jun tzo'n̈ xo nacion̈ jun tic, caw 'oj 'ib'xoc eb' yuj xiwlal, 'oj xiw chan̈ pax eb' filisteo.

Dt 5:4

A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec.

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Salmos 78:14

A 'a c'ual, xyij b'ey eb' yet' jun 'asun, ax 'a 'ac'wal xyij b'ey eb' yet' sacq'uinlal jun c'ac'.

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

Nm 10:34

A yic xb'ey eb' 'a c'ual, c'ojnc'ojnil sb'ey eb', yujto 'aych jun 'asn yic Jehová 'a yib'n̈ eb'.

Ex 40:38

A yic 'aych eb' israel 'a yol b'e, a jun 'asn yic Jehová 'aych 'a yib'n̈ scajnub', a tzyil eb' 'a c'ual, ax 'a 'ac'wal, a sc'aq'uil, a tz'i'n b'ey eb'.

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

Jn 14:9

Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Salmos 105:39

Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.

Dt 34:10

Yictax cha, man̈x 'a 'ajtil 'ay junc xo schecb' Dios 'ilchjnac 'a scal eb' yin̈tl Israel 'icha wal Moisés, yujto a win cha, caw q'uelc'mb'a x'aj yet' Jehová yic xpaxtin yet'oc.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Dt 1:19

'Ix yaln pax Moisés 'ixtic: A yic on̈ cotc pax 'a lum yich witz Sinaí, 'ix qui tojlb'tzanc cot qui b'a 'a lum jolmctac witz yic eb' amorreo, yuj qui yiclni tas 'ix yal Jehová qui Diosalec. On̈ b'eyc cot 'a lum niwquil cusltac lu'um, lum caw 'ay smay, masnto on̈ jawc 'a Cades-barnea. A jun tic, xquilc qui masnil.

Dt 5:24

Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj.