Nm 13:27 - Chuj San Sebastian Bible

²⁷ 'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Chuj San Mateo Bible

²⁷ Ix yalan eb' vin̈ d'a vin̈aj Moisés chi' icha tic: —Toxo ix b'at quil lum luum ix ala', val yel te vach' luum, te yax sat luum, ina sat tastac tz'el d'a sat lum tic.

Nm 13:27 Referans Kwoze

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 13:5

Atn 'a jun 'uj tic, 'aj tzqui nac cot jun q'uin̈ tic, yic tox on̈ c'ochc yuj Jehová 'a lum lum caw 'ay syaxil, lum 'ajtil cajn eb' cananeo, eb' hitita, eb' amorreo, eb' heveo, yet' eb' jebuseo. Atn lum yaljnac can Jehová 'a eb' qui mam quichmec, to a 'ayn̈ec tzyac' jun lum cha.

Dt 31:20

A yic 'oj lajwc wi'n 'och eb' 'anma tic 'a sat lum lum 'aj 'ix wac' in ti wa'n 'a eb' e mam eyicham, lum caw 'ay syaxil sat, caw 'oj wa eb' si'mb'il, 'oj b'ut'joc sc'ojl eb', ax sb'a'chb'i eb'. 'Oj lajwc cha, ax yoch tza'n eb' yuj jun tzo'n̈ comn dios, ax yi'n 'ejm sb'a eb' 'a 'a; an xo tic, 'oj in spatquilc can 'el eb', ax sjun 'el eb' in trato 'ix in b'o yet'oc.

Ex 33:3

'Ixquec 'a lum lum caw wal 'ay syaxil sat cha, palta an tic, ma'oj in 'at eyet'oc, yujto caw pit eb' 'anma tic. 'Ay smay ex in satn can 'el 'a yol b'e, xchi Dios.

Dt 27:3

Tzlajw cha, tze tz'ib'n can 'och jun tzo'n̈ cuynb'il tzwalcn 'ayx tic 'a eb' q'ue'en. Tze b'o jun tic, yic tzex 'och 'a sat lum lum caw yax sat, lum 'oj yac' Jehová qui Diosalec yet' eb' qui mam quichmec eyico'oc, 'icha yutjnac yaln can 'a eb'.

Dt 26:9

Xlajw cha, on̈ yi'nec cot 'a sat jun lum lum tic, 'ix ya'n lum 'ayn̈ec, atn lum caw 'ay syaxil sat.

Dt 11:9

yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

Nm 14:8

Toto tz'el 'a sc'ojl Jehová tzcolwj quet'ec, 'oj cochc xon 'a lu'um, yujto a 'oj a'noc lum 'ayn̈ec. A jun lum cha, caw wal yax sat lu'um.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Jeremías 32:22

Xlajw cha, 'ix a'n jun lum caw wal yax sat tic 'ayn̈ an̈ israel on̈ tic, 'icha wal yaj a'n can a ti 'a eb' qui mam quichm on̈.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Nm 14:7

'Ix yaln eb' 'a smasnil eb' 'anma chi 'ixtic: —A lum lum xit' quil chi 'on̈, caw wach' lu'um.

Nm 16:14

Ach tic, matz on̈ ej 'at 'a junc lugar 'aj 'ay tas wach' qui c'uxni, may pax qui lum tzac' 'aj wach' cawn qui uva. ¿Tom caw yel xo suc 'anmaln̈ xoj tzela, yuj cha, tza nib'n tzon̈ awtj pax 'ati? Matz on̈ 'at xon cab' tas tzal cha, xchi eb'.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?