Nm 13:26 - Chuj San Sebastian Bible

²⁶ A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Chuj San Mateo Bible

²⁶ d'a Cades, d'a tz'inan lum d'a yol yic Parán. Ata' ayec' vin̈aj Moisés yed' vin̈aj Aarón yed' masanil eb' yetisraelal eb' vin̈. Ix lajvi chi', ix och ijan eb' vin̈ yalani chajtil yilji lum luum chi', ix sch'oxan sat te' avb'en te' ix yic'cot eb' vin̈ chi' d'a luum.

Nm 13:26 Referans Kwoze

Nm 32:8

'Ixtnta wal xyutj sb'a eb' e mam eyicham, yic x'at wa'nc yil eb' lum lum cha, yic 'ayn̈ec 'ec' 'a lum Cades-barnea.

Nm 20:1

A 'a yic b'ab'l 'uj, 'ix c'och eb' israel 'a lum cusltac lum tzcuch Zin, ata 'ix can eb' jun tiempoal 'a yol smacb'en Cades. Ata 'ix cham 'ix María yanb' Moisés, a pax ta 'ix mucx cani.

Dt 1:19

'Ix yaln pax Moisés 'ixtic: A yic on̈ cotc pax 'a lum yich witz Sinaí, 'ix qui tojlb'tzanc cot qui b'a 'a lum jolmctac witz yic eb' amorreo, yuj qui yiclni tas 'ix yal Jehová qui Diosalec. On̈ b'eyc cot 'a lum niwquil cusltac lu'um, lum caw 'ay smay, masnto on̈ jawc 'a Cades-barnea. A jun tic, xquilc qui masnil.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Josué 14:6

A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.

Gn 14:7

Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.

Nm 13:25

Chawinc c'u 'ix smaclj eb' yil lum lum cha, 'ixta to b'i'an, 'ix meltzj eb'.

Nm 20:14

A yic 'ayc' Moisés 'a lum Cades, 'ix schecn 'at jaywn̈ eb' schecb' 'a win sreyl Edom, yic tz'at yalnc eb' 'ixtc 'a 'a: An̈ israel on̈ tic, cu'tac to qui b'a eyet'oc, tecn tzeyab' yab'xil tas wal tzon̈ 'aj quixtx 'a Egipto.

Dt 1:2

Uxlche c'u ste'nb'il lum Horeb atn pax lum tzcuch Sinaí, masnto 'a lum Cades-barnea, atn 'a jun b'e tz'ec' 'a lum switzl Seír.

Salmos 29:8

A yol sjaj, a tz'a'n 'ib'xoc eb' lum cusltac lu'um; a tz'a'n 'ib'xoc lum cusltac lum 'a yol yic Cades.

Nm 13:3

'Icha wal xyutj Jehová yalni, 'ixta xyutj Moisés schecn 'at eb' winc cha, yic 'ayc' eb' 'a lum cusltac lum yic Parán. A eb' winc cha, 'ayn̈j yopiso eb' 'a scal eb' yit israelal cha.

Nm 32:9

'Ix laj yil eb' jun tzo'n̈ lugar cha, masnto xc'och eb' 'a sti a niwquil a tzcuch Escol. Xlajw cha, xya'n eb' sc'ojloc eb' quit israelalec cha, sec man̈xtzac cot eb' 'a lum lum cha, atn lum tzyac' Jehová 'a eb'.

Josué 14:7

An tic, 'ayx chawinc ab'il in q'uinal yic on̈ schecn cot Moisés 'a lum Cades-barnea, yic tzwul qui maclnoc tas wal yilx jun lum tic; ax yic on̈ meltzjec, 'icha wal yilxi, 'ixta wal 'ix wutj waln yet' smasnil in c'ojol.