Nm 12:13 - Chuj San Sebastian Bible

¹³ Yuj cha, 'ix syamn 'och Moisés sleslwi 'a Jehová, xyaln 'ixtic: 'Ac' niwnc'ojlal Mamin, tzin tew 'och 'aych yuj 'unx canb' tic on̈, to tzej 'el jun yab'il tic 'a 'unix, xchi Moisés.

Chuj San Mateo Bible

¹³ Ix lajvi chi', ix och ijan vin̈aj Moisés chi' yalan d'a Jehová: Mamin, tzin tevi d'ayach to tziq'uel jun ilya tic d'a ix vanab' tic, xchi vin̈.

Nm 12:13 Referans Kwoze

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.

Ro 12:21

Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

Lc 6:28

A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. A eb' tzex b'uchni, tzex leslwi yuj eb'.

Lc 23:34

Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Jeremías 17:14

'Ac' jawc in c'ojl Mamin Jehová, sec tzin b'ox cani. Coln 'eli, sec wach' tzin colchj can pax 'eli, yujto cojn 'aych 'aj tzwal in wach' paxti'.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

Gn 20:17

Ax Abraham 'ix leslwi 'a Dios, yuj cha, ax Dios 'ix 'a'n pax stzatzl Abimelec jun 'ejm xo yet' yistzil, yet' eb' 'ix schecb' winac, yic wach' tz'aj yalj pax yune eb' 'ix.

Ex 4:7

'Ix yaln pax Dios jun 'ejm xo: —'A'x 'och a c'ab' chi 'a sn̈i a c'ojol, xchi. 'Ix ya'n pax 'och Moisés sc'ab' 'a sn̈i sc'ojl cha, ax yic 'ix yi'n pax 'elt sc'ab', caw wal wach'x yilx sniwnal chi 'icha xoni.

Nm 11:2

Smasnil eb' chon̈ab', 'ix 'awj chan̈ eb', sc'ann eb' scolwal Moisés, yuj cha, 'ix leslwi 'a Jehová yuj eb', cojn cha, 'ix tup jun c'ac' cha.

Nm 12:12

Comnoc wal tz'el 'a a c'ojol, matz can María tic 'icha tzyac' junc 'unn chamnc xo tz'alji, ax sniwnal man̈x 'a swach'l yilxi, xchi Aarón cha.

Salmos 30:2

Ach in Diosal, xin c'an a colwal, 'ix a'n b'oxc in c'ojol.

Salmos 41:4

'Ix waln 'ixtic: Mamin Jehová, 'o'ch cab' a c'ojl 'ayin; 'ac' b'oxc in c'ojol, wach'xam x'och in mul 'ayach, xin chi.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.