Nm 11:10 - Chuj San Sebastian Bible

¹⁰ Ax xyab'n Moisés x'oc' chan̈ smasnil eb' israel 'a stitc smantiado, yuj cha, caw wal 'ix cot yowl Jehová. An̈jtona', caw xtac sc'ojl Moisés.

Chuj San Mateo Bible

¹⁰ Ix yab' vin̈aj Moisés yoc' masanil eb' israel d'a sti' smantiado junjun. Ix te cot yoval Jehová, an̈eja' ix te ja schab'c'olal vin̈aj Moisés chi'.

Nm 11:10 Referans Kwoze

Salmos 78:21

A yic xyab'n Jehová jun tic, caw wal xcot yowl 'a eb' qui mam quichmec cha. Ax yowl sc'ojl cha, lajn wal yet' c'ac', 'ix jaw yowl sc'ojl 'a yib'n̈ eb'.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Jeremías 17:4

Yowlal 'oj eyactc can jun lum tic, atn lum wa'jnac e macl lumoc. 'Oj ex wa'cn 'och schecb'oc eb' 'ajc'ojl yajch 'ayex, atn eb' cajn 'a lum lum man̈ 'ojcab'ilc eyu'uj. Tox 'ix jaw yowl in c'ojl 'a eyib'an̈, lajn wal 'icha junc niwquil c'ac' may xon b'a'n̈ tztupi, xchi Dios.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Salmos 139:21

Mamin Jehová, 'in ojtac to tzin chac in b'a yet' eb' tzach chacn 'eli yet' eb' 'ajc'ojl yajch 'ayach.

Salmos 106:25

'Ix laj yalnc eb' tu paxti 'aych Mamin Jehová, yic 'ayc' eb' 'a yol smantiado, ma'ix schaj eb' yab' tas 'ix ala.

Salmos 78:59

Caw xcot yowl sc'ojl Dios yic xyiln jun tzo'n̈ cha. Yuj cha, xyi'n can 'el eb' quit israelal chi 'a sc'ojol,

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Nm 21:5

'Ix cot yowl eb' chon̈b' chi 'a Jehová yet' 'a Moisés, 'ix yaln eb' 'ixtic: —¿Tas wal yuj on̈ eyij 'elt 'a Egipto? ¿Tom tze nib'j to tzon̈ cham 'a lum cusltac lum tic? May tas tzqui c'uxu, may pax tas tzcuq'uej, tzq'ue syoch'l qui c'uxn jab' tas tzqui c'ux tic, xchi eb'.

Nm 16:27

Yuj cha, 'ix yi'n 'el sb'a eb' 'anma chi 'a stz'ey 'aj 'ayc' Coré, Datán yet' Abiram. Ax Datán yet' Abiram cha, 'ix 'elt can lin̈n eb' 'a sti smantiado yet' yistzil, yet' pax eb' yunnal eb'.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 11:11

'Ix yaln Moisés 'a Jehová 'ixtic: —¿Tas yuj tzac' wil yailal an a checb' in tic? ¿Tas wal yowl a c'ojl 'ayin, yuj cha, tza'n jun chon̈b' tic in tan̈woc?

Nm 12:9

Caw xcot yowl Jehová 'a eb', xlajw cha, 'ix 'ati.